ՊԱՔՈՒ Կ’ՈՂՋՈՒՆԷ ԼԵՌՆԱՅԻՆ ՂԱՐԱԲԱՂԻ ՏԱԳՆԱՊԻ ԼՈՒԾՄԱՆ ՀԱՐՑԻՆ ՄԷՋ ՄՈՍԿՈՒԱՅԻ ՋԱՆՔԵՐՈՒՆ ԱՇԽՈՒԺԱՑՈՒՄԸ

0

«ՌԻԱ Նովոսթի» կը հաղորդէ, որ Ատրպէյճանի նախագահի արտաքին քաղաքականութեան հարցերով օգնական Նովրուզ Մամետով յայտարարած է, որ Ատրպէյճան դրական կը գնահատէ Լեռնային Ղարաբաղի տագնապի լուծման հարցին մէջ Ռուսիոյ գործողութիւններուն աշխուժացումը: Մոսկուան կրնայ մեծ դեր խաղալ այս տագնապի լուծման հարցին մէջ:

«Ատիկա դրական երեւոյթ է, որ դրական կ՛ընկալուի, որովհետեւ այդ տագնապի լուծման հարցին մէջ Ռուսիան կրնայ մեծ դեր խաղալ, եւ ատիկա բոլորը կը հասկնան: Ես դրական կը գնահատեմ այդ հաղորդակցութիւնները: Բանակցութիւններու գոյութիւնը, քննարկումներու կատարումը պիտի յանգեցնեն նոր գաղափարի մը», ըսած է Մամետով:

Նախապէս Ատրպէյճանի արտաքին գործոց նախարար Էլմար Մամետեարով յայտարարած էր, որ 6 Դեկտեմբերին Վիեննայի մէջ արցախեան հիմնախնդիրին շուրջ բանակցութիւններու շրջագիծէն ներս հանդիպում պիտի ունենայ Հայաստանի արտաքին գործոց նախարար Էդուարդ Նալպանտեանի եւ ԵԱՀԿ-ի Մինսքի խմբակի համանախագահներուն հետ:

«6 Դեկտեմբերին տեղի պիտի ունենայ ԵԱՀԿ-ի Մինսքի խմբակի համանախագահներուն եւ Հայաստանի արտաքին գործոց նախարարին հետ հանդիպումը, մենք տուած ենք մեր համաձայնութիւնը այդ հանդիպումին համար», ըսած էր Մամետեարով:

Share.

Leave A Reply