ՎՐԱՍՏԱՆԻ ԽՈՐՀՐԴԱՐԱՆԻՆ ՄԷՋ ԱՌԱՋԱՐԿՈՒԱԾ Է ՃԱՆՉՆԱԼ ՀԱՅՈՑ ՑԵՂԱՍՊԱՆՈՒԹԻՒՆԸ

0

Վրաստանի հայրենասէրներու դաշինքէն, Ախալքալաքի Շրջանային ժողովի պատգամաւորներ հանդէս եկած են յայտարարութեամբ մը՝ առաջարկելով Վրաստանի խորհրդարանին քննարկել Հայոց Ցեղասպանութեան ճանաչումը եւ դատապարտումը։

Արդարեւ, 1 Դեկտեմբերին, Շրջանային ժողովի պատգամաւորներ Զաքար Զաքարեան, Սամուէլ Պետրոսեան, Կենատի Էլիզաբարեան, Սիմոն Մանանեան եւ Սարգիս Ուզունեան տարածած են յայտարարութիւն մը, որուն մէջ կ՛ըսուի.

«20-րդ դարու սարսափելի յանցագործութիւններէն մէկն է հայ ժողովուրդի ցեղասպանութիւնը՝ Օսմանեան կայսրութեան մէջ: Եւ եթէ ժամանակին համաշխարհային հանրութեան կողմէ ճանչցուէր եւ դատապարտուէր այս ոճրագործութիւնը, նման յանցագործութիւններ չէին կազմակերպուեր այլ ժողովուրդներու դէմ:

Պատմական արդարութեան վերականգնման համար, Ախալքալաքի Շրջանային ժողովը որոշեց.

  1. Մէկ վայրկեան լռութեամբ յարգանքի տուրք մատուցել բոլոր ժողովուրդներու ցեղասպանութեան զոհերու յիշատակին, որոնց դէմ կատարուեցաւ այդ վայրագութիւնը.
  2. Ճանչնալ եւ դատապարտել Հայոց Ցեղասպանութիւնը՝ տեղի ունեցած Օսմանեան Կայսրութեան օրօք.
  3. Վրաստանի խորհրդարանէն խնդրել հետեւիլ զարգացած երկիրներու օրինակին, ճանչնալ եւ դատապարտել Օսմանեան կայսրութեան օրօք կատարուած Հայոց Ցեղասպանութիւնը.
  4. Խնդրել խորհրդարանի լիագումար նիստի ընթացքին Ջաւախքի շրջանէն մեծամասնական պատգամաւորին (խորհրդարանի անդամին)՝ քննարկել այդ յանցագործութիւնը հայ ժողովուրդի դէմ եւ լուսաբանել իրական որոշումը.

Սոյն որոշումը հրապարակել լրատուամիջոցներու մէջ»:

Share.

Leave A Reply