ՍԵՐԺ ՍԱՐԳՍԵԱՆԻՆ ՆԵՐԿԱՅԱՑՈՒՑԱԾ ԵՆ ՀԱՅԿԱԿԱՆ ԱՐՏԱԴՐՈՒԹԵԱՆ ՆՈՐ ՌԱԶՄԱԿԱՆ ՍԱՐՔԵՐՈՒ ԿԱՐԵԼԻՈՒԹԻՒՆՆԵՐԸ

0

1 Դեկտեմբերին Աշխատանքային այցելութեամբ Արցախի Հանրապետութիւն այցելած նախագահ Սերժ Սարգսեան հայկական երկու հանրապետութիւններու փոխգործակցութեան ծիրէն ներս 4 Դեկտեմբերին Արցախի նախագահ Բակօ Սահակեանի հետ այցելած է «Ասպարէզ» ուսումնական կեդրոն, ուր իրենց ներկայացուցած են հայկական արտադրութեան նոր ռազմական սարքերու մարտավարական եւ թեքնիք բնութագիրները եւ նշանակութիւնը, որմէ ետք նախագահները դիտաշտարակէ հետեւած են ատոնց կիրառման ընթացքին:

Ինչպէս կը տեղեկացնէ ՀՀ նախագահի մամուլի վարչութիւնը, ՀՀ նախագահը խրախուսական նուէրներ յանձնած է ծառայութեան մէջ աչքի ինկած զինծառայողներուն, այնուհետեւ Արցախի արեւելեան եւ կեդրոնական հատուածներու մէջ ներկայ գտնուած է նոր զօրանոցներու եւ զինուորական ակումբի բացման արարողութիւններուն:

Նախագահներ Սերժ Սարգսեան եւ Բակօ Սահակեան շրջայց  կատարած են նորաբաց զօրանոցներու մէջ, ծանօթացած զինծառայողներու ընկերակենցաղային պայմաններուն: Նախագահ Սարգսեան խրախուսած է զօրամասի լաւագոյն սպաները, պայմանագրային եւ ժամկետային զինծառայողները:

 

Share.

Leave A Reply