ՎԱՐՉԱՊԵՏԸ ՔՆՆԱՐԿԱԾ Է ԶԲՕՍԱՇՐՋՈՒԹԵԱՆ ՈՐԱԿԻ ԲԱՐՁՐԱՑՄԱՆ ՀԱՐՑԸ

0

Վարչապետ Կարէն Կարապետեանի գրասենեակին մէջ երէկ տեղի ունեցած խորհրդակցութեան ընթացքին քննարկուած են Հայաստանի մէջ զբօսաշրջութեան մարզի զարգացման եւ որակի բարձրացման  վերաբերող հարցեր:

Քննարկումին կը մասնակցէր նաեւ հանրային կապերու եւ շուկայադրումի մարզին մէջ աշխարհի յառաջատար կազմակերպութիւններէն մէկուն` բրիտանական M&C Saatchi գովազդային գործակալութեան տնօրէն Անելի Պետը:

Զբօսաշրջութեան պետական կոմիտէի նախագահ Զարմինէ Զէյթունցեան յայտնած է, որ ի սկզբանէ նշուած ընկերութեան հետ միացեալ աշխատանքը ծաւալած է մէկ շուկայի մէջ փոքր զբօսաշրջային որակի բարձրացման ծրագիրի շուրջ, բայց նկատի ունենալով կազմակերպութեան գործունէութեան յաջող փորձը տարբեր երկիրներու մէջ եւ Հայաստանի մեծ ներուժի առկայութիւնը` նպատակայարմար պիտի ըլլայ դիտարկել նաեւ աւելի ընդգրկուն ծրագիր նախաձեռնելու կարելիութիւնը:

Վարչապետ Կարէն Կարապետեան ողջունած է գաղափարը եւ առաջարկած հանդիպիլ Ռազմավարական նախաձեռնութիւններու  կեդրոնի եւ Հայաստանի զարգացման հիմնադրամի ներկայացուցիչներուն հետ` համագործակցութեան հեռանկարները քննարկելու համար:

Share.

Leave A Reply