ԱՐՑԱԽԻ ՄԷՋ. ՊԵՏԱԿԱՆՈՒԹԵԱՆ ՎԵՐԱԿԱՆԳՆՄԱՆ 100-ԱՄԵԱԿԻՆ ՆՈՒԻՐՈՒԱԾ ՏՕՆԱԿԱՏԱՐՈՒԹԻՒՆՆԵՐՈՒ ՆԱԽԱՊԱՏՐԱՍՏԱԿԱՆ ԱՇԽԱՏԱՆՔՆԵՐ

0

5 Դեկտեմբերին ՀՅԴ Ստեփանակերտի «Նիկոլ Դուման» կեդրոնին մէջ ՀՅԴ Արցախի Կեդրոնական կոմիտէին հրաւէրով տեղի ունեցած է  հանդիպում, որուն կը մասնակցէին Կեդրոնական կոմիտէի անդամներ, Արցախի Հանրապետութեան մշակոյթի, երիտասարդութեան հարցերու եւ զբօսաշրջութեան նախարար Սերկէյ Շահվերդեան, «Ապառաժ»  թերթի խմբագիր Արա Պուլուզեան:

Հանդիպումի քննարկման հիմնական նիւթը հայոց պետականութեան վերականգնման 100-ամեակին նուիրուած ձեռնարկներու կազմակերպման հարցն էր: Անհրաժեշտ նկատուած է կապ հաստատել Հայաստանի Հանրապետութեան համապատասխան յանձնախումբին  հետ` կազմակերպուելիք ձեռնարկները համադրելու նպատակով:

Հանդիպումի ընթացքին կարեւոր համարուած է պետականօրէն հանրապետութեան տօնը նշելու անհրաժեշտութիւնը եւ որոշուած է առաջարկներն ու ժամանակացոյցը յստակեցնելէ ետք դիմել Արցախի Հանրապետութեան իշխանութիւններուն` պետական մակարդակով նշուած տօնակատարութիւններու կազմակերպման նպատակով յանձնախումբ մը կեանքի կոչելու համար:

Share.

Leave A Reply