ԹՈՒՐՔԻՈՅ ՄԷՋ ԲԱՆՏԱՐԿԵԱԼՆԵՐՈՒ ԹԻՒԸ ԲՆԱԿՉՈՒԹԵԱՆ ԹԻՒԷՆ ԱՒԵԼԻ ԱՐԱԳ Կ՛ԱՃԻ

0

Ըստ թրքական ընդդիմադիր «Ճումհուրիէթ» թերթի կայքին՝ Թուրքիոյ վիճակագրական ընկերութեան արձանագրած տուեալներուն համաձայն, Թուրքիոյ մէջ անչափահաս բանտարկեալներուն թիւը, 2016-ին նախորդ տարուան համեմատ, աճած է 13 տոկոսով:

31 Դեկտեմբեր 2016-ին թրքական բանտերուն մէջ գտնուողներուն 63,8 տոկոսը դատապարտեալներ են, 36,2 տոկոսը՝ կալանքի տակ գտնուողներ: Անոնց 95,8 տոկոսը տղամարդիկ են, 4,2 տոկոսը՝ կանայք:

Վիճակագրական տուեալներուն համաձայն, Թուրքիոյ մէջ բանտարկեալներու թիւը աւելի արագ կ’աճի, քան` ամբողջ երկրին բնակչութեան թիւը: Այսպէս, եթէ 31 Դեկտեմբեր 2011-ին երկրին բնակչութեան իւրաքանչիւր 1000 անձէ անազատութեան մեջ կը գտնուէր 181-ը, ապա 2015-ին այդ ցուցանիշը հասած է 225-ի, 2016-ին.՝ 251-ի: 2016-ին 12-էն վեր տարիքով քաղաքացիներուն իւրաքանչիւր 1000-էն 311-ը կը գտնուի անազատութեան մէջ:

2016-ի ընթացքին թրքական բանտերուն մէջ կը գտնուէր 187.730 մարդ: Կալանավայրէն ազատ արձակուած քաղաքացիներու թիւը կազմած է 198.832:

Ուրիշի առողջութեան վնաս հասցնելու համար ազատազրկուածներէն տարրական կրթութիւն ունի 32 տոկոսը, միջնակարգ՝ 24.8 տոկոսը: Սպանութեան համար դատապարտուածներու շրջանին 25.1 տոկոսը ունի տարրական, 22.8 տոկոսը՝ միջնակարգ, 29.7 տոկոսը՝ բարձրագոյն (մասնագիտական) կրթութիւն:

Share.

Leave A Reply