ԿԱՐՕ ՓԱՅԼԱՆ. «ԷՐՏՈՂԱՆ ԵՐՈՒՍԱՂԷՄԸ ՈՐՊԷՍ ԻՍՐԱՅԷԼԻ ՄԱՅՐԱՔԱՂԱՔ ՃԱՆՉՑԱԾ Է ՆԱԽՔԱՆ ԹՐԱՄՓԸ»

0

Թուրքիոյ Ժողովուրդներու Ժողովրդավարական Կուսակցութեան հայ պատգամաւոր Կարօ Փայլան «Թուիթըր»ի իր էջին վրայ անդրադարձած է Երուսաղէմը որպէս Իսրայէլի մայրաքաղաք ճանչնալու ԱՄՆ-ի նախագահ Տանըլտ Թրամփի յայտարարութեան:

«Իշխող «Արդարութիւն եւ Զարգացում» Կուսակցութիւնը Երուսաղէմը Իսրայէլի որպէս Իսրայէլի մայրաքաղաք ճանչցած է Թրամփէն առաջ։ Այժմ այդ կուսակցութեան պատասխանատուները իրենց աժանագին ցուցադրութիւններով կը փորձեն հանրային ուշադրութիւնը շեղել իրենց գործած անօրէնութիւններէն», գրած է Կարօ Փայլան՝ ներկայացնելով իշխող կուսակցութեան եւ Իսրայէլի իշխանութիւններուն միջեւ «Մավի Մարմարայի» գործով ստեղծուած համաձայնագիրը, ուր կը յիշատակուի, որ համաձայնագիրը կը ստորագրուի Անգարայի եւ Երուսաղէմի միջեւ։ Երուսաղէմը այստեղ նկատի կ՚առնուի որպէս մայրաքաղաք, այնպէս ինչպէս Անգարան։

Share.

Leave A Reply