ՎՐԱՍՏԱՆԻ ՄԷՋ ՀԱՅՈՑ ՑԵՂԱՍՊԱՆՈՒԹԵԱՆ ՀԱՐՑԸ ՉԱՆՑԱՒ ԼԻԱԳՈՒՄԱՐ ՆԻՍՏԻ ՕՐԱԿԱՐԳԻՆ

0

Վրաստանի ընդդիմադիր «Հայրենասէրներու Դաշինք»ի պատգամաւորներուն ներկայացուցած Հայոց Ցեղասպանութեան տեղական մակարդակով ճանաչման դիմումը Ախալքալաքի ժողովին չվաւերացուեցաւ: Շրջանային ժողովը քննարկեց զայն, սակայն դէմ քուէարկեց։

11 Դեկտեմբերին Ախալքալաքի Շրջանային ժողովի բիւրոյի նիստի քննարկումին ներկայացուած էին հինգ հարցեր, որոնցմէ չորսը Ախալքալաքի քաղաքապետարանի համապատասխան ծառայութիւններու կողմէ, իսկ մէկը՝ ընդդիմադիր «Հայրենասէրներու Դաշինք»ի պատգամաւորներուն կողմէ:
Բիւրոյի անդամները նպատակայարմար չգտան տուեալ ժամանակահատուածին այս հարցին արծարծումը՝ պատճառաբանելով, որ անիկա նախ պէտք է հանրային քննարկումներու եւ խորհրդակցութիւններու արդիւնքով համաձայնուած բանաձեւի մը վերածուի: Բիւրոյի անդամները իրենց ելոյթին ընթացքին յայտնեցին, որ աշխարհի մէջ չկայ հայ մը, որ չընդունի եւ չդատապարտէ Հայոց Ցեղասպանութիւնը:

Բիւրոյի նիստին ներկայ էր նաեւ ընդդիմադիր «Հայրենասէրներու դաշինք»ի կողմէն շրջանային ժողովի մեծամասնական պատգամաւոր Կենատի Էլիզպարեան, որ ամբողջ ընթացքին լուռ կը լսէր գործընկերներուն ելոյթը: Բիւրոյի 9 անդամներէն 8-ն դէմ քուէարկեց, իսկ մէկը՝ Կենատի Էլիզպարեան՝ կողմ՝ այդպիսով մեծամասնութեան ձայներուն համաձայն Հայոց Ցեղասպանութեան ճանաչման հարցը չմտաւ Սաքրեպուլոյի լիագումար նիստի օրակարգ:

 

Share.

Leave A Reply