ՆԱՍՐԱԼԼԱ. «ԹՐԱՄՓԻ ՈՐՈՇՈՒՄԸ ՊԵԼՖՈՒՐԻ ՀԱՄԱՁԱՅՆՈՒԹԵԱՆ ՆՈՐ ՏԱՐԲԵՐԱԿՆ Է»

0

Երկուշաբթի, 11 Դեկտեմբեր 2017-ին, Հըզպալլայի ընդհանուր քարտուղար Սէյիտ Հասան Նասրալլա պատկերասփռուած իր ճառին մէջ շեշտեց, որ ԱՄՆ-ի նախագահ Տանըլտ Թրամփի որոշումը, 100 տարի ետք, Պելֆորի նոր համաձայնութիւն մըն է եւ ԱՄՆ-ի տեսակէտով, Պաղեստինեան Դատին աւարտին պաշտօնական յայտարարութիւնը:

Նասրալլա աւելցուց. «ԱՄՆ-ի նախագահին որոշումը նախատինք է միլիոնաւոր իսլամներուն եւ քրիստոնեաներուն…: Մենք, այսօր, Երուսաղէմին, անոր սրբավայրերուն եւ ինքնութեան  դէմ ամերիկեան գրոհին վկաներն ենք»:

Նասրալլա յայտնեց, որ ըստ երեւոյթին աշխարհի բոլոր երկիրները, ներառեալ արաբական եւ իսլամական պետութիւնները, կը դատապարտեն Թրամփի այս որոշումը:

«Թրամփ ոչ մէկ կողմի, ոչ ալ միջազգային որոշումներու նկատմամբ յարգանք կը ցուցաբերէ…: Միթէ՞ աշխարհը, ներկայիս, դատապարտուած է անտառի օրէնքով եւ Սպիտակ Տան մէջ բնակող մարդու մը քմահաճոյքներով ընթանալու», եզրափակեց Նասրալլա:

Share.

Leave A Reply

This site uses Akismet to reduce spam. Learn how your comment data is processed.