ՀԱԼԷՊԱՀԱՅ ՎԱՀԷ ԹԱՐԽԱՆԵԱՆ ԿԵԱՆՔԻՆ ՀՐԱԺԵՇՏ ՏՈՒԱՒ

0

Հեզ, հաւատարիմ, ծառայասէր անձ մը, որ Հալէպի պատերազմի դաժան օրերուն մնաց Նոր Գիւղ, պաշտպան եւ օգնական դարձաւ շրջանի բնակչութեան։ Իր ներկայութիւնը զգալի էր։ Իր ճառագայթող ժպիտով յոյս կը ներշնչէր, Նոր Գիւղի հայ կամաւոր տղոց կողքին ինք եւս ծառայեց, հսկեց եւ իր կարելին ըրաւ օգնելու բոլորին։

Ս. Գրիգոր Լուսաւորիչ եկեղեցւոյ թաղական էր։ Սիրուած եւ յարգուած էր բոլորին կողմէ։ Եկեղեցասէր եւ ազգասէր Վահէն այսօր հողին յանձնուեցաւ։ Մեծ բազմութիւն կար Ս. Գրիգոր Լուսաւորիչ եկեղեցին։ Բօթը շուտ տարածուած էր։ Լուրը սեւ էր, բայց Վահէին կեանքի յուշամատեանին մէջ «սեւ կէտեր» չկային։
Գաղափարական իր ուխտին հաւատարիմ մնաց։ Անոր յիշատակը առյաւէտ պիտի շողայ։

Թող Վահէ Թարխանեանին բարի օրինակը վարակիչ դառնայ։

Արքայութեան արժանի ըլլաս, ծառայասէ՛ր Վահէ։

Մխիթարանք հանգուցեալին կողակիցին, զաւակներուն, ընկերներուն եւ հարազատներուն։

Խորէն Քահանայ Պէրթիզլեան

Share.

Leave A Reply