ԷՐՏՈՂԱՆ ԱՋԱԿՑՈՒԹԻՒՆ ԿԸ ՅԱՅՏՆԷ ՌՈՀԱՆԻԻՆ. « ԻՐԱՆԻ ԿԱՅՈՒՆՈՒԹԻՒՆՆ ՈՒ ՀԱՆԳՍՏՈՒԹԻՒՆԸ ԿԱՐԵՒՈՐ ԵՆ ԱՆԳԱՐԱՅԻ ՀԱՄԱՐ»

0

«Թերթ».- Թրքական Daily Sabah պարբերականը յայտնած է, թէ Չորեքշաբթի, 3 Յունուարին, Թուրքիոյ նախագահ Ռեճէպ Թայյիպ Էրտողան հեռաձայնային զրոյց մը ունեցած է իրանցի իր գործընկեր Հասան Ռոհանիի հետ եւ իր աջակցութիւնը յայտնած անոր՝ Իրանի մէջ տեղի ունեցող բողոքի ցոյցերուն գնահատման իմաստով:

Էրտողան ըսած է, որ ինք կը կիսէ Ռոհանիի այն յայտարարութիւնը, ըստ որուն Իրանի նախագահը ընդունած էր քաղաքացիներուն բողոք արտայայտելու իրաւունքը՝ կոչ ուղղելով ցոյցի մասնակիցներուն չխախտել օրէնքները:
Թուրքիոյ նախագահը ընդգծած է նաեւ, որ Իրանի կայունութիւնն ու հանգստութիւնը կարեւոր են Անգարայի համար:

Ռոհանի իր կարգին շնորհակալութիւն յայտնած է Էրտողանին աջակցութեան համար եւ յոյս յայտնած, որ յառաջիկայ քանի մը օրուան ընթացքին բողոքի ցոյցերը:

Յիշեցնենք, որ 28 Դեկտեմբերէն սկսեալ, Իրանի շարք մը քաղաքներուն մէջ զանգուածային հակակառավարական ցոյցեր ծայր առած էին:
Վերջին տուալներուն համաձայն, ցոյցերուն հետեւանքով զոհերուն թիւը հասած է 12-ի: Մինչդեռ Իրանի պետական պատկերասփիւռի տուալներուն համաձայն՝ բողոքի ցոյցերուն հետևանքով մահացած է 20 մարդ:
Երեքշաբթի, 2 Յունուարին, Թուրքիոյ Արտաքին Գործոց Նախարարութիւնը հաղորդագրութիւն մը հրապարակելով յայտնած էր. «Թուրքիա մտահոգ է Իրանի մէջ կազմակերպուող ցոյցերուն, ինչպէս նաեւ կառավարական շէնքերուն հասած վնասներուն համար»:
Նախարարութիւնը ողջախոհութիւն ցուցաբերելու կոչ ուղղած էր՝ որեւէ մագլցում կանխարգիլելու համար:

Share.

Leave A Reply

This site uses Akismet to reduce spam. Learn how your comment data is processed.