Ս. ԾՆՆԴԵԱՆ ԵՒ ԱՍՏՈՒԱԾԱՅԱՅՏՆՈՒԹԵԱՆ ՏՕՆԸ՝ ԳԱՄԻՇԼԻԻ Ս. ՅԱԿՈԲ ԵԿԵՂԵՑՒՈՅ ՄԷՋ

0

Շաբաթ, 6 Յունուար 2018-ի առաւօտեան ժամը 8:30-ին, Գամիշլիի Ս. Յակոբ եկեղեցւոյ մէջ Ս. և Անմահ Պատարագ մատուցուեցաւ Տեառն մերոյ Յիսուսի Քրիստոսի Ս. Ծննդեան և աստուածայայտնութեան տօնին առիթով։

Յաւուր պատշաճի քարոզեց եւ օրուան խորհուրդը տուաւ Ճեզիրէի Հայոց առաջնորդական փոխանորդ Հոգեշ. Տ. Ռուբէն Աբղ.Նալպանտեան։

Պատարագի աւարտին տեղի ունեցաւ ջրօրհնէք, ապա ներկայ հաւատացեալ ժողովուրդը թափօր կազմած ուղղուեցաւ դէպի ազգային առաջնորդարանի դահլիճ, ուր հոգեշ. հայր սուրբը շնորհաւորութիւններ ընդունեց։

Աւելցնենք, որ Ուրբաթ, 5 Յունուարի յետմիջօրէի ժամը 3:30-ին, Ս.Ծննդեան ճրագալոյցի պատարագը մատուցեց Արժ. Տ.Պսակ Քհնյ. Պէրպէրեան։ Պատարագի ընթացքին Ս. Ծննդեան տօնի շարականներու երգեցողութիւնը կատարուեցաւ Կիրակնօրեայ դպրոցի աշակերտներուն կողմէ, իսկ Կիրակի, 7 Յունուարի առաւօտեան, ի յիշատակ մեռելոց, Ս. և Անմահ Պատարագ մատուցուեցաւ և ազգային գերեզմանատան մէջ հաւաքական հոգեհանգստեան արարողութիւն, խնկարկում եւ մոմավառութիւն կատարուեցաւ։

Բժշկհ. Մարի Մելքոն

Share.

Leave A Reply

This site uses Akismet to reduce spam. Learn how your comment data is processed.