ԹՐՔԱԿԱՆ «ՀՈՒՐԻԷԹ» ՊԱՐԲԵՐԱԿԱՆԸ ԱՆԴՐԱԴԱՐՁԱԾ Է ՀԱՅՈՑ ՑԵՂԱՍՊԱՆՈՒԹԵԱՆ ՆՈՒԻՐՈՒԱԾ «ԱՐՄԻՆԷ. ՉԱՐԱՔ ԼԵՐԱՆ ԱՔՍՈՐԸ» ԳԻՐՔԻՆ

0

«Արցախփրէս» կը հաղորդէ, որ թրքական «Հուրիէթ» պարբերականը անդրադարձած է վերջերս Պոլսոյ մէջ լոյս տեսած Մուրատ Աթաշի «Արմինէ. Չարաք լերան աքսորը» վէպին, որ կ՛առնչուի Հայոց Ցեղասպանութեան։

Գիրքին մէջ Աթաշը, հակառակելով թրքական պաշտօնական պատմագրութեան պաշտպանած գիծին, որու համաձայն` թուրքերը մեղաւոր չեն հայերու հետ կատարուածին համար, ցոյց տուած է Հայոց Ցեղասպանութեան գործին մէջ Օսմանեան Կայսրութեան իշխանութիւններու մեղաւորութիւն:

Գիրքին հեղինակը պարբերականին տուած հարցազրոյցի մը ընթացքին յայտնած է, որ Հայոց Ցեղասպանութեան թեմայի նկատմամբ հետաքրքրութիւնը իր մօտ յառաջացած է դպրոցական տարիներէն ի վեր, երբ այս թեմայով ուսումնասիրութիւն մը գրած եւ պատժուած է ուսուցիչին կողմէ:

Մուրատ Աթաշ, հետագային Հայոց Ցեղասպանութեան նիւթով այլալեզու աղբիւրներ ուսումնասիրելէն բացի, հանդիպած եւ թեմայի շուրջ զրուցած է նաեւ Ցեղասպանութիւնը վերապրած շատ հայերուն եւ անոնց ժառանգներուն հետ:

Մուրատ Աթաշի «Արմինէ. Չարաք լերան աքսորը» վէպը գլխաւոր հերոսուհի Արմինէի եւ անոր ընտրեալ Ջիւանի սիրոյ պատմութեան միջոցով կը պատմէ ցեղասպանութեան հետեւանքով խեղուած ճակատագիրներու մասին:

Share.

Leave A Reply

This site uses Akismet to reduce spam. Learn how your comment data is processed.