ԷՐՏՈՂԱՆ ԴԱՏԱԿԱՆ  ՀԱՅՑ  ՆԵՐԿԱՅԱՑՈՒՑԱԾ Է ՔԸԼԸճՏԱՐՕՂԼՈՒԻ ԴԷՄ

0

Թրքական «Հապերլէր» կայքը կը հաղորդէ, որ Թուրքիոյ նախագահ Ռեճէպ Թայիպ Էրտողան դատական հայց ներկայացուցած է գլխաւոր ընդդիմադիր Ժողովրդական Հանրապետական Կուսացութեան նախագահ Քեմալ Քըլըճտարօղլուի դէմ:

Էրտողանի փաստաբան Հուսէյն Այտըն յայտնած է, որ քեմալական կուսկացութեան առաջնորդը ունեցած է այնպիսի արտայայտութիւններ, որոնք կը շրջանցեն նախագահին անձնական իրաւունքները եւ անոր հասցէին ծանր վիրաւորանք կը պարունակեն:

Դատարան ներկայացուած հայցին մէջ Քըլըճտարօղլու մեղադրուած է 22 Դեկտեմբերին խորհրդարանէն ներս եւ 24 Դեկտեմբերին Էսքիշէհիրի նահանգային խորհրդարանի ժողովին ընթացքին հնչեցուցած արտայայտութիւններուն յանցանքով:

Նախագահ Էրտողան ընդդիմադիր գործիչէն 250 հազար թրքական լիրայի արժէքով (66.500 ամերիկեան տոլար) բարոյական վնասի փոխյատուցում պահանջած է:

Share.

Leave A Reply