ՎԱՐՉԱՊԵՏ ԽԱՄԻՍ ՀԱԼԷՊԻ ՄԷՋ ՎԵՐԱԿԱՆԳՆՈՒՄԻ ԱՆՆԽԸՆԹԱՑ ՆԻՍՏԻ ՄԸ ՆԱԽԱԳԱՀԵՑ. 1 ԱՊՐԻԼԻՆ ՀԱԼԷՊԻ ՎԵՐԱԿԱՌՈՒՑՄԱՆ ՊԵՏԱԿԱՆ ԱՇԽԱՏԱՆՔՆԵՐՈՒՆ ՄԵԿՆԱՐԿԸ ՊԻՏԻ ՅԱՅՏԱՐԱՐՈՒԻ

0

Կիրակի, 7 Յունուար 2018-ին, վարչապետ Իմատ Խամիսի գլխաւորութեամբ, Հալէպի նահանգապետարանէն ներս, պետական պատուիրակութեան, նահանգապետին, նահանգապետարանի պաշտօնեաներուն մասնակցութեամբ աշխատանքային յատուկ նիստ մը գումարուեցաւ:

Ժողովականները զրուցեցին Հալէպի վերաշինութեան, ենթակառոյցներու եւ հաստատութիւններու գործունէութեան վերակազմակերպման, ծառայողական ոլորտի բարելաւման առնչուող բոլոր հարցերը, զբօսաշրջութեան ու տնտեսական կեանքի բարգաւաճման ռազմավարական առաջնահերթութիւնները:

Իր նախադէպը չունեցող ծրագրաւորումով մը, յառաջիկայ տարուընէ սկսեալ պետութեան ընդհանուր շահարկումներու հաշուեկշիռին մէջ, Հալէպ քաղաքի վերակառուցման ու ենթակառոյցներու գործունէութեան վերակազմակերպման աշխատանքներուն յատուկ պիւտճէ պիտի յատկացուի:

Ժողովը որոշեց նաեւ 1 Ապրիլին Հալէպի վերակառուցման աշխատանքներուն պաշտօնական մեկնարկը յայտարարել եւ քաղաքի վերանորոգման կազմակերպչական եւ աշխատանքային ծրագիրներու իրագործումը հետապնդելու համար յատուկ ենթայանձնախումբ մը յառաջացնել:

Յանձնախումբը պիտի սերտէ նաեւ Հալէպի մէջ ապօրինի շէնքերու եւ կառոյցներու իրավիճակը ու, քաղաքի շինարարական աշխատանքներու վերակազմակերպման ծիրէն ներս, վերատեսութեան պիտի ենթարկէ այդ կառոյցներուն վիճակը՝ նկատի առնելով բնակչութեան բնակարանային եւ աշխատանքային կարիքները:

Share.

Leave A Reply