ՆԱԽԱԳԱՀ ԱՍԱՏԻ ԹԵԼԱԴՐԱՆՔՈՎ ՎԱՐՉԱՊԵՏ ԽԱՄԻՍԻ ՆԱԽԱԳԱՀՈՒԹԵԱՄԲ 16 ՆԱԽԱՐԱՐՆԵՐԷ ԲԱՂԿԱՑԱԾ ՊԵՏԱԿԱՆ ՊԱՏՈՒԻՐԱԿՈՒԹԻՒՆ ՄԸ ՀԱԼԷՊ ԱՅՑԵԼԵՑ

0

Կիրակի, 8 Յունուար 2018-ին,Սուրիոյ նախագահ Պաշշար ալ Ասատի թելադրանքով, վարչապետ Իմատ Խամիսի նախագահութեամբ կառավարական պատուիրակութիւն մը Հալէպ այցելեց՝ քաղաքին տնտեսական եւ ծառայողական իրավիճակին ծանօթանալու ու վերականգնումի անիւը յառաջ մղելու համար:
Պատուիրակութիւնը կ՛ընդգրկէր 16 նախարարներ՝ բնակարանային եւ հանրային աշխատանքներու, առողջապահութեան, տնտեսութեան, արտաքին առեւտուրի, արդիւնաբերութեան, զբօսաշրջութեան, տեղական կառավարման եւ բնապահմապնման, ներքին առեւտուրի, ընկերային հարցերու եւ աշխատանքի, ելեկտրականութեան, ջրային պահեստներու, գիւղատնտեսութեան, քարիւղի եւ հանքային հարստութեան, ելեւմուտքի, բարձրագոյն կրթութեան, կազմակերպութիւններու հարցերու պետական նախարար եւ Սուրիոյ Խորհրդարանի հարցերու պետական նախարար:

Պատուիրակութիւնը իր առաջին նիստը գումարեց 8 Յունուարի երեկոյեան, Հալէպի նահանգապետարանէն ներս, ուր սերտեց Հալէպի վերակառուցման եւ վերակազմակերպման ամբողջական ծրագիրը:

Յաջորդ օրերուն, պատուիրակութիւնը այցելեց Հալէպի Շէյխ Նաճճար արդիւնաբերական շրջան ու այլ արդիւնաբերական կեդրոններ, ինչպէս նաեւ պետական եւ մասնաւոր հատուածի հաստատութիւններ:

Պատուիրակութիւնը մէկէ աւելի ժողովներ գումարեց Հալէպի արդիւնաբերողներուն եւ առեւտրականներուն հետ՝ տնտեսական իրավիճակին ծանօթանալու եւ անոր բարելաւման միջոցները քննարկելու համար:

Share.

Leave A Reply