ՀԱՍԻՉԷԻ ՆԱՀԱՆԳԱՊԵՏԸ ԳԱՄԻՇԼԻԻ ԱԶԳ. ԱՌԱՋՆՈՐԴԱՐԱՆ ԱՅՑԵԼԵՑ

0

Ուրբաթ, 29 Դեկտեմբեր 2017-ի կէսօրուան ժամը 12:00-ին, Հասիչէի նահանգապետ՝ ճայէզ համմուտ Մուսա Գամիշլիի Հայոց Ազգային Առաջնորդարան այցելեց։ Նահանգապետին կ՚ընկերակցէր պետական բարձրաստիճան պատասխանատուներէ բաղկացած պատուիրակութիւն մը։

Պատուիրակութիւնը դիմաւորուեցաւ Ճեզիրէի Հայոց Առաջնորդական Փոխանորդ Հոգշ. Տէր Ռուբէն Աբղ. Նալպանտեանի, Արժ. Տէր Պսակ Քհնյ. Պէրպէրեանի, Պատկան Մարմնի եւ թաղականութեան ներկայացուցիչներուն կողմէ։

Հանդիպման ընթացքին նահանգապետը Նոր Տարուան և Ս. Ծնունդին առիթով շնորհաւորեց հայ համայնքը եւ անդրադարձաւ սուրիական կեանքին մէջ անոր շինիչ ներկայութեան։ Հայր սուրբը իր կարգին շնորհակալութիւն յայտնեց նահանգապետին եւ պատուիրակութեան՝ խաղաղութիւն եւ բարօրութիւն մաղթելով Սուրիական Հայրենիքին։

Կողմերը զրուցեցին երկրէն ներս խաղաղութեան վերահաստատման եւ Սուրիոյ վերակառուցման ծրագիրներուն շուրջ։

Հանդիպման աւարտին, հայր սուրբը խորհրդանշական յուշանուէրներով հայ համայնքին երախտագիտութիւնը յայտնեց նահանգապետին ու անոր ընկերակցող պատուիրակութեան։

Բժշկհ. Մարի Մելքոն

Share.

Leave A Reply

This site uses Akismet to reduce spam. Learn how your comment data is processed.