ԴԱՒԻԹ ԻՇԽԱՆԵԱՆ. «ՄԻՋԱԶԳԱՅԻՆ ԿԱՌՈՅՑՆԵՐՈՒ ԿՈՂՄԷ ՆԿԱՏԵԼԻ Է, ՈՐ ԱՏՐՊԷՅՃԱՆ ՇԱՐՈՒՆԱԿ ԿԸ ԽՈՒՍԱՓԻ ՊԱՅՄԱՆԱՒՈՐՈՒԱԾՈՒԹԻՒՆՆԵՐԸ ԿԱՏԱՐԵԼԷ»

0

ՀՅԴ Արցախի Կեդրոնական Կոմիտէի ներկայացուցիչ, Արցախի Ազգային Ժողովի պատգամաւոր Դաւիթ Իշխանեան «Առաւօտ»ի հետ զրոյցի մը ընթացքին ըսած է, որ 2017-ին ղարաբաղեան հակամարտութեան խաղաղ լուծման բանակցային գործընթացին մէջ տեղաշարժի արձանագրութիւն չնկատելով մէկտեղ պէտք է հաստատել, թէ 2016-ի Ապրիլէն ետք, կողմերը նոր եզրեր գտած են բանակցային գործընթացը շարունակելու համար:

Ան անդրադարձած է, որ բանակցային գործընթացին առնչութեամբ որոշակի որակումներով արտայայտուիլը եւ գնահատականներ տալը այնքան էլ ճիշդ չէ, բայց ընդհանուր առմամբ. նկատի առնելով այն պատրաստակամութիւնը, որ կողմերը յայտնած են բանակցային գործընթացը շարունակելու համար, կարելի է դրական որոշ հեռանկար մը տեսնել:

Ըստ Դաւիթ Իշխանեանի, միջազգային կառոյցներու կողմէ նկատելի է Ատրպէյճան շարունակ կը խուսափի պայմանաւորուածութիւնները   կատարելէ` յատկապէս հետաքննութիւններու գործիքակազմերու  տեղակայման առնչութեամբ, ինչ որ որոշակիօրէն քաղաքական իր ազդեցութիւնն ու հետքը ձգած է Ատրպէյճանի վրայ: «Այդ բոլորը միջազգային հարթակներու վրայ կ՛երեւին Ատրպէյճանի արտաքին քաղաքականութեան ունեցած կորուստներուն եւ որոշակի նահանջին, ինչպէս նաեւ ՀՀ Արտաքին Գործոց Նախարարութեան ձեռքբերումներուն դիտարկումով:

Տեղին է յայտնել, որ հետաքննութիւններու գործիքակազմերու տեղակայման հոլովոյթը, իբրեւ երկկողմանի պայմանաւորուածութեան կատարում, բնականոն չէ ընթացած, սակայն մենք կրցած ենք այդ առումով, գոնէ միակողմանիօրէն, որոշակի դրական տեղաշարժ արձանագրել եւ կանխարգիլել Ատրպէյճանի կողմէ հետախուզական  ներթափանցման փորձերը ու անոր հետ կապուած անոնց հեռանկարները»,  ըսած է պատգամաւորը:

Սակայն անոր կարծիքով` ասիկա բաւարար չէ եւ պէտք է ձգտիլ երկկողմանի պայմանաւորուածութիւններու ամբողջական կատարման հոլովոյթը իր աւարտին հասցնելու, եւ զինադադար հաստատելու:

Share.

Leave A Reply

This site uses Akismet to reduce spam. Learn how your comment data is processed.