ԱՏՐՊԷՅՃԱՆ ԵՒ ՍԷՈՒՏԱԿԱՆ ԱՐԱԲԻԱ Կ՛ԱՄՐԱՊՆԴԵՆ ՌԱԶՄԱԿԱՆ ԳՈՐԾԱԿՑՈՒԹԻՒՆԸ

0

Ատրպէյճանական «Թուրան» լրատու գործակալութիւնը կը հաղորդէ, որ Ատրպէյճանի պաշտպանութեան նախարար Զաքիր Հասանով Երեքշաբթի, 6 Փետրուարին Պաքու այցելող Սէուտական Արաբիոյ պաշտպանութեան նախարարութեան ներկայացուցիչ զօր. Ալի պըն Իպրահիմ Ֆաուազի հետ քննարկած է ռազմական ոլորտէն ներս համագործակցութիւնը ամրապնդելու կարելիութիւնները: Ըստ Ատրպէյճանի Պաշտպանութեան Նախարարութեան, Հասանով շնորհակալութիւն յայտնած է Սէուտական Արաբիոյ, «Հայաստանի հետ դիւանագիտական յարաբերութիւններ չհաստատելուն համար»։ Հանդիպումին ընթացքին, կողմերը քննարկած են նաեւ համատեղ զօրավարժութիւններ իրականացնելու եւ զինուած ուժերուն միջեւ յարաբերութիւնները ամրապնդելու առնչուող հարցեր:

Share.

Leave A Reply