ՄՈՍԿՈՒԱՅԻ ՄՕՏԱԿԱՅՔԸ «Ան-148» ՃԱՄԲՈՐԴԱՏԱՐ ՕԴԱՆԱՒ ՄԸ ՋԱԽՋԱԽՈՒԱԾ Է

0

ԵՐԵՒԱՆ, «Երկիր Մետիա».-
Կիրակի, 11 Փետրուարին, ռուսական «Ան-148» ճամբորդատար օդանաւ մը տեսորոշիչներու տեսադաշտէն կորսուած է Մոսկուայի «Տոմոտետովօ» օդակայանէն երկինք բարձրանալէն անմիջապէս ետք, Մոսկուայի ժամով շուրջ 14։27-ին(Երևանի ժամով 15։27)։

Օդանաւին մէջ կը գտնուէին 65 ճամբորդ և անձնակազմի 6 անդամ։

Օդանաւի բեկորները յայտնաբերուած են Մոսկուայի մարզի Ռամենսկոյէ շրջանին մէջ, ուր փրկարարներ ուղարկուած են։

Ռուսիոյ Դաշնութեան քննիչ կոմիտէն դէպքին պարզաբանման համար հետաքննութեան ձեռնարկած է։

Նախնական տուեալներով՝ օդանաւի ջախջախումէն ետք ճամբորդներէն ու անձնակազմէն ոչ ոք փրկուած է։ Օդանաւի ջախջախումին վայրին մէջ 50 զոհերու մարմինները գտնուած են: Զոհերու ընդհանուր թիւն է՝ 71: 60 ճամբորդները Օրենպուրկի մարզի բնակիչներ են:
Զոհուած երկրորդ օդանաւորդը հայազգի Սերկէյ Կամպորեանն է։

Նախնական քննութեան համաձայն, օդանաւին ջախջախումին պատճառը անոր շարժիչին խանգարումը, ապա պայթիւնը եղած է:

Share.

Leave A Reply