ԱՐԾՐՈՒՆ ՅՈՎՀԱՆՆԻՍԵԱՆ ԿԸ ՀԵՐՔԷ ՅԱՐՁԱԿՈՂԱԿԱՆ ՆԵՐԹԱՓԱՆՑՄԱՆ ՓՈՐՁԻ ՄԱՍԻՆ ԱՏՐՊԷՅՃԱՆԱԿԱՆ ԼՐԱՏՈՒԱՄԻՋՈՑՆԵՐՈՒ ԼՈՒՐԵՐԸ

0

Հայաստանի Հանրապետութեան Պաշտպանութեան Նախարարութեան մամլոյ խօսնակ Արծրուն Յովհաննիսեան կը հերքէ ատրպէյճանական լրատուամիջոցներու տարածած այն տեղեկութիւնը` ըստ որուն, հայկական զինուած ուժերուն կողմէ Ղազախի հատուածին հայ-ատրպէյճանական սահմանը անցնելու, յարձակողական ներթափանցումի փորձ մը կատարուած է: «Միայն Ատրպէյճանցիներու պատկերացումով հայ յարձակողները ճերմակ թիւերով «Ուազ»ով յարձակումի կը դիմեն: Իսկ մեքենան ինչո՞ւ ետեւի կողմէն նկարուած է, կամ եթէ նկատած էին մեքենան, ուրեմն յարձակողները ո՞ւր էւն», գրած է Արծրուն Յովհաննիսեան դիմատետրի իր էջին վրայ։ Ատրպէյճանական APA լրատու գործակալութիւնը հրապարակած է վնասուած «Ուազ»ի մասին տեսանիւթ մը, որուն մէջ ակնյայտ կ՝երեւի, որ «Ուազ»ը ո՛չ թէ ՀՀ Պաշտպանութեան Նախարարութեան սեւ թուանիշով է, այլ ունի ճերմակ թուանիշ:

Share.

Leave A Reply