ՏԵՍԱԺՈՂՈՎ` ԱՄԵՐԻԿԱՅԻ ՏԱՐԱԾԱՇՐՋԱՆԻ ՀԱՅԿԱԿԱՆ ԼՐԱՏՈՒԱՄԻՋՈՑՆԵՐՈՒ ՆԵՐԿԱՅԱՑՈՒՑԻՉՆԵՐՈՒ ԵՒ ՀՀ ՍՓԻՒՌՔԻ ՆԱԽԱՐԱՐՈՒԹԵԱՆ ԱՇԽԱՏԱԿԻՑՆԵՐՈՒ ՄԱՍՆԱԿՑՈՒԹԵԱՄԲ

0

9 Փետրուարին տեղի ունեցաւ  Հայաստանի Հանրապետութեան Սփիւռքի Նախարարութեան աշխատակիցներու եւ Ամերիկայի տարածաշրջանի հայկական լրատուամիջոցներու ներկայացուցիչներուն մասնակցութեամբ տեսաժողով մը: Հայաստանէն տեսաժողովին կը մասնակցէին ՀՀ սփիւռքի նախարար Հրանոյշ Յակոբեան, նախարարի տեղակալ Սերժ Սրապիոնեան, Սիացեալ Նահանգներու տեղեկատուութեան եւ հեռահաղորդակցութեան վարչութեան պետ Վաղինակ Վարդանեան, Մամուլի եւ հասարակայնութեան հետ կապերու վարչութեան պետ Էվելինա Պաղտասարեան եւ նախարարութեան աշխատակիցներ: Ամերիկայի տարածաշրջանէն տեսաժողովին կը մասնակցէին «Հայրենիք» շաբաթաթերթի խմբագիր Ռուբէն Ճամպազեան (ԱՄՆ), «Պայքար» շաբաթաթերթի գլխաւոր խմբագիր Յակոբ Վարդիվառեան (ԱՄՆ), «Նոր Օր» շաբաթաթերթի գլխաւոր խմբագիր Հրաչ Սեփէճեան (ԱՄՆ), «Հայկական Համայնապատկեր» շաբաթաթերթի գլխաւոր խմբագիր Օշին Քէշիշեան (ԱՄՆ), ՍԴՀԿ Արեւմտեան Ամերիկայի ատենապետ, «Մասիս» շաբաթաթերթի խմբագիր Գրիգոր Խոտանեան (ԱՄՆ), «Հորիզոն» շաբաթաթերթի գլխաւոր խմբագիր Վահագն Գարագաշեան (Քանատա), «Ապագայ» շաբաթաթերթի գլխաւոր խմբագիր Աւետիս Պագգալեան (Քանատա), «Թորոնթոհայ» ամսագիրի գլխաւոր խմբագիր Կարին Սաղտճեան (Քանատա), «Արմենիա» շաբաթաթերթի գլխաւոր խմբագիր Գէորգ Գազանճեան (Արժանթին): Քննարկուեցան Լրագրողներու համահայկական 9-րդ համաժողովի գլխաւոր ուղղութիւնները, ներկայացուեցան առաջարկներ համաժողովի կազմակերպման ձեւաչափին եւ այլ հարցերու շուրջ: Տեսաժողովի մասնակիցները անդրադարձան օտար լրատուամիջոցներուն մէջ աշխատող հայ լրագրողներուն համաժողովի աշխատանքներուն ներգրաւելու կարեւորութեան: Ողջունելով տեսաժողովի մասնակիցները` Սփիւռքի նախարար Հրանոյշ Յակոբեան կարեւոր համարեց այսպիսի հանդիպումները, շնորհակալութիւն յայտնեց աշխոյժ մասնակցութեան եւ շահեկան քննարկումին համար: Ան ներկայացուց Լրագրողներու Համահայկական նախորդ համաժողովին արդիւնքները եւ յոյս յայտնեց, որ Հայաստանի Հանրապետութեան եւ մայիսեան յաղթանակներու 100-ամեակներու օրերուն կազմակերպուող համաժողովը եւ այցելութիւնը սահմանապահ գիւղեր նոր ոգեւորութեամբ, նոր ստեղծագործական լիցքերով կը համակեն հայ լրագրողները:

Share.

Leave A Reply