ՍՏԵՓԱՆԱԿԵՐՏ ԿԸ ՓՈՐՁԷ ՎԵՐԱԴԱՌՆԱԼ ԲԱՆԱԿՑԱՅԻՆ ԳՈՐԾԸՆԹԱՑԻՆ

0

ԵԱՀԿ Մինսքի խմբակի համանախագահները տարածաշրջանայի այցելութիւնը աւարտած են Արցախ այցելութեամբ: Ատրպէյճանի եւ Հայաստանի բարձրագոյն ղեկավարութեան հետ հանդիպումներու արդիւնքներուն հիման վրայ համանախագահները համատեղ յայտարարութեամբ հանդէս եկած են, որուն մէջ կոչ ուղղած են կողմերուն` խուսափելու հակամարտութեան սրումէն եւ շարունակելու բանակցութիւնները հակամարտութեան խաղաղ լուծման համար. կը գրէ ռուսական «Նեզաւիսիմայա Կազեթա» կայքը:

Կայքը կը յայտնէ, որ Պաքուի եւ Երեւանի մէջ «զուսպ» գնահատած են այդ փաստաթուղթը: Ատրպէյճանական կողմը դարձեալ դժգոհութիւն յայտնած է, որ բանակցութիւնները չեն հանգեցներ հակամարտութեան լուծման ուղղութեամբ գործնական քայլերու, փախստականները տակաւին չեն վերադարձած հայրենի տարածքներ եւ այլն: Իսկ հայկական կողմին դժգոհութիւնները յայտնած է ՀՀԿ խմբակցութեան ղեկավար Վահրամ Պաղտասարեան՝դիտել տալով, որ հայկական կողմը բազմիցս պահանջած է յայտարարութիւններուն մէջ սահմանել լարուածութեան սրումին պատասխանատու կողմը, սակայն ԵԱՀԿ Մինսքի Խմբակը խուսափած այդ քայլէն , երեւոյթ մը որ բնականաբար կը նպաստէ հակամարտութեան սրումին:

Կայքը լուսարձակի տակ կ՛առնէ Ատրպէյճանի նախագահ Իլհամ Ալիեւի՝ Երեւանը վերադարձնելու յայտարարութիւնը, որուն կտրուկ արձագանգած է Հայստանի Արտաքին Գործոց Նախարարութիւնը` անդրադառնալով, որ Ատրպէյճան աշխարհի քարտէզին վրայ յայտնուած է միայն 100 տարի առաջ:

«Բանակցային գործընթացին առնչութեամբ իր դժգոհութիւնները ունի նաեւ Արցախը: Ստեփանակերտ անարդար կը համարէ այն հանգամանքը, որ երկիրը այդ գործընթացին չի մասնակցիր: ԵԱՀԿ Մինսքի Խմբակի համանախագահներուն հետ հանդիպումին ընթացքին պետութեան նախագահ Բակօ Սահակեան յայտարարած է, որ անհրաժեշտ է վերականգնել լիարժէք բանակցային ձեւաչափը եւ Արցախի մասնակցութիւնը հակամարտութեան լուծման բոլոր փուլերուն», կը գրէ կայքը:

 

Share.

Leave A Reply