Համասի Պատասխանատու Անդամ. «Սուրիական Բանակը Արիաբար Ջախջախեց Իսրայէլեան Օդանաւը»

0

«Ալ Խապար»- Երկուշաբթի, 12 Փետրուար 2018-ին, պաղեստինեան Համաս շարժումի պատասխանատու Ուսամա Համտան, «Մայատին» պատկեռասփիւռի կայանէն սփռուած հարցազրոյցի մը ընթացքին ըսաւ. «Սուրիական բանակը արիաբար ջախջախեց իսրայէլեան կործանիչը»՝ աւելցնելով, որ այսուհետեւ Իսրայէլի մէջ որոշում կայացնող կողմերը հարցականի տակ պիտի դնեն Իսրայէլեան օդուժին գերազանցութեան հարցը:

Համտան աւելցուց. «Համաս Սուրիոյ կողքին պիտի կանգնի իսրայէլեան որեւէ գրոհի պարագային»՝ շեշտելով. «Իսրայէլեան կործանիչին տապալումէն ետք, դիմադրութեան բոլոր ճամբաները պիտի միանան, հետեւաբար Իսրայէլի ուշադրութեան կը յանձնենք, թէ այսուհետեւ պաղեստինեան դիմադրութեան շարժումի առանցքային խաղցողներուն վրայ որեւէ յարձակում կատարուելու պարագային, դիմադրութեան բոլոր տարրերը անոր կողքին պիտի կանգին»:

Համտան աւելցուց.  «Սուրիոյ կողմէ իսրայէլեան օդանաւին տապալում շուռ տուաւ քաղաքական բոլոր խաղաքարտերը: Սուրիոյ այս յաղթանակը, իր կարգին, պատեստինեան դատին դէմ հիւսուող դաւերուն պատասխան էր նաեւ»:

«Ալ Խապար»ի համաձայն, Սուրիոյ պատերազմի սկզբնական օրերէն, Դամասկոս-Համաս յարաբերութիւնները խստիւ լարուեցան, ապա բոլորովին խզուեցան, երբ Համաս որոշեց հարուածել իրեն ապաստան տուող միակ երկիրը, կողմնակալ մօտեցում ունեցաւ եւ պատճառ դարձաւ սուրիական արեան հեղումին:

Share.

Leave A Reply