ԱՐՑԱԽԵԱՆ ՇԱՐԺՄԱՆ 30-ԱՄԵԱԿԻՆ ԱՌԻԹՈՎ ՀՐԱՏԱՐԱԿՈՒԱԾ Է «ԱԶԴԱԿ» – «ԱՊԱՌԱԺ» ՄԻԱՑԵԱԼ ԹԻՒ ՄԸ

0

«Ազդակ» կը հաղորդէ, որ լոյս տեսած է «Ազդակ»ի եւ ՀՅԴ Արցախի Կեդրոնական Կոմիտէի պաշտօնաթերթ «Ապառաժ»ի միացեալ թիւը` արցախեան շարժման 30-ամեակին յատկացուած: Թիւը կը ներառէ այս առիթով Արցախի Հանրապետութեան նախագահի, ՀՅԴ Արցախի Կեդրոնական Կոմիտէի եւ ՀՅԴ Լիբանանի Կեդրոնական Կոմիտէի ներկայացուցիչներու ուղերձները, Արցախի պետական, հասարակական գործիչներու, խմբագիրներու խոհերն ու վերլուծումները, արցախեան շարժման մասնակիցներու յուշերը, «Ազդակ»ի եւ «Ապառաժ»ի խմբագրակազմերու անդամներու ստորագրութիւնները կրող յօդուածները: Միացեալ հրատարակութենէն մեծաքանակ առաքում պիտի ըլլայ Արցախ` հասանելի դառնալու համար նաեւ արցախահայութեան:

Share.

Leave A Reply

This site uses Akismet to reduce spam. Learn how your comment data is processed.