ԵՒՐՈՊԱՅԻ ՄԷՋ ԿԸ ՆԿԱՏՈՒԻ ԱՆԿԻՒՆԱԴԱՐՁԱՅԻՆ ԿԱՐԵՒՈՐՈՒԹԻՒՆ ՈՒՆԵՑՈՂ ՓՈՒԼ

0

Հայ Դատի գրասենեակի հաղորդակցութեան պատասխանատու Յարութ Շիրինեան, անդրադառնալով Եւրոպական Խորհրդարանէն ներս 27 Փետրուարին տեղի ունեցած Արցախի ժողովուրդի ազատ ինքնորոշումի իրաւունքի մասին բարձր մակարդակի քննարկումին, յայտնեց, որ Եւրոպայի մէջ կը նկատուի անկիւնադարձային կարեւորութիւն ունեցող փուլ՝ նկատի առնելով Եւրոպական Խորհրդարանէն ներս Արցախի հարցով տեղի ունեցած աշխուժութիւնը:

«Քննարկումներուն եւրոպացի գործիչներու մասնակցութիւնը բաւական ներկայացուցչական էր: Տասնեակէ մը աւելի եւրոպացի պատգամաւորներ կամ պատգամաւորներու խորհրդատուներ համաշխարհային հեղինակութիւն ունեցող հռչակաւոր մասնագէտներ, գիտնականներ եւ իրաւաբաններ, եւրոպացի լրագրողներ մասնակցեցան Արցախի ժողովուրդի իրաւունքներուն մասին քննարկումներուն եւ կարծիքներ փոխանակեցին: Պէտք է յայտնել, որ անոնք առիթ ունեցան լսելու Արցախի Հանրապետութեան արտաքին գործոց նախարարի տեղակալ Արմինէ Ալեքսանեանի՝ Արցախի պետութեան եւ ժողովուրդի անունով փոխանցած խօսքը», «Արմէնփրէս»ին տեղեկացուց Յարութ Շիրինեան:

Ան ընդգծեց, որ այս աշխատանքը կը համապատասխանէ Եւրոպայի Հայ Դատի առաջնահերթութիւններուն, որն է եւրոպացի քաղաքական գործիչներուն առաջին աղբիւրրն ներկայացնել տեղեկութիւններ եւ Արցախի բնակիչներու ձայնը հասանելի դարձնել:

«Մենք յոյսով ենք, որ այս աշխուժութեան կը յաջորդեն գործնական քայլեր, որպէսզի աւելի մեծ թիւով պատգամաւորներ ներգրաւուին Արցախի ժողովուրդի իրաւունքներու պաշտպանութեան գործին՝ նպաստելով հիմնախնդիրի խաղաղ լուծումին»,աւելցուց Յարութ Շիրինեան:

Share.

Leave A Reply