ՄԱՐԴԱՍԻՐԱԿԱՆ ՇԱՐԱՍԻՒՆ ՄԸ ԱՐԵՒԵԼԵԱՆ ՂՈՒԹԱ ՄՈՒՏՔ ԳՈՐԾԵՑ

0

Այսօր առաւօտ, Սուրիական Կարմիր Մահիկ կազմակերպութեան հսկողութեամբ մարդասիրական օգնութիւններու շարասիւն մը մուտք գործեց Դամասկոսի արեւելեան Ղութա արուարձան՝ «Ճապհաթ ալ Նուսրա» ահաբեկչական խմբաւորման կողմէ պաշարուած քաղաքացիներուն դեղորայք եւ սննդամթերք յատկացնելու համար:

Շարասիւնը, որ ուղարկուած է ՄԱԿ-ին, Կարմիր Խաչին եւ Միջազգային Կարմիր Մահիկին կողմէ, կ՛ընդգրկէր 12.000 անձի համար նախատեսուած սննդամթերք եւ դեղորայք պարունակող 13 բեռնատար:

Յիշենք որ նախորդ շաբաթ արեւելեան Ղութա հասած էր 40 բեռնատարէ բաղկացած շարասիւն մը՝ նախատեսուած 70.000 անձի համար:

Միւս կողմէ, սուրիական պատկերասփիւռի կայանները հաղորդեցին, որ արեւելեան Ղութայի Աարպին շրջանէն խումբ մը քաղաքացիներ յաջողած են դուրս գալ դէպի ալ Ուաֆիտին շրջան, ուր հաստատուած են ժամանակաւոր կացարաններու մէջ:

Share.

Leave A Reply