ԵՐԵՒԱՆԻ ՄԷՋ ՍԿՍԱՒ ՀՅԴ ՄԱՄՈՒԼԻ ԵՒ ՀԱՆՐԱՅԻՆ ԿԱՊԵՐՈՒ ՊԱՏԱՍԽԱՆԱՏՈՒՆԵՐՈՒ ՀԱՄԱԿՈՒՍԱԿՑԱԿԱՆ ԽՈՐՀՐԴԱԺՈՂՈՎԸ

0
Շաբաթ, 10 Մարտ 2018-ին, Երեւանի մէջ սկսաւ ՀՅԴ մամուլի եւ հանրային կապերու պատասխանատուներուն համակուսակցական խորհրդաժողովը։ Շուրջ երկու տասնեակ երկիրներէ ժամանած աւելի քան յիսուն խմբագիրներ, լրագրողներ, հանրային կապերու պատասխանատուներ պիտի քննարկեն հայկական ու կուսակցական մամուլի, համաշխարհային մակարդակով համահայկական շահերու եւ հարցերու մեկնաբանութեան, ատրպէյճանական ու թրքական հակաքարոզչութեան դիմակայման հարցեր, պիտի արծարծեն հայութեան առնչուող դժուարութիւններ եւ ժամանակակից մետիայի պահանջներուն առնչուող հարցեր։
 
ՀՅԴ Բիւրոյի ներկայացուցիչ Հրանդ Մարգարեան իր բացման խօսքով շեշտեց այն մեծ առաքելութիւնն ու դերը, զորս ունի դաշնակցական խմբագիրը, դաշնակցական լրատուամիջոցը՝ հարցերու արծարծման, ազատ խօսքի, միտքերու, տեսակէտներու հարթակ դառնալու համար՝ հիմնուելով դաշնակցական մամուլի հարիւրամեայ պատմութեան վրայ։
Share.

Leave A Reply