ԱՐԱՄ ՀԱՄԲԱՐԵԱՆ. «ԿԸ ՍՊԱՍԵՆՔ ՈՒԱՇԻՆԿԹԸՆԻ ՄԷՋ ՏԵՂԻ ՈՒՆԵՆԱԼԻՔ ՀԱՆԴԻՊՈՒՄԻՆ»

0

Ամերիկայի Հայ Դատի Յանձնախումբը կ՛ողջունէ Ուաշինկթընի մէջ 19  Մարտին նախանշուած Միացեալ Նահանգներ-Հայաստան առեւտուրի եւ ներդրումներու շրջանակային համաձայնագիրի ստորագրման հետ կապուած աշխատանքային խումբի նիստը:

«Մենք անհամբեր կը սպասենք Ուաշինկթընի մէջ տեղի ունենալիք  հանդիպումին եւ կ՛ուզենք յատուկ շնորհակալութիւն յայտնել Ռոպերթ Լայթիզերի գլխաւորած Միացեալ Նահանգներու առեւտուրի պալատին, որ պիտի հիւրընկալէ ամերիկեան-հայկական աշխատանքային խումբին նիստը` կառուցողական մթնոլորտի մէջ քննարկելու առեւտրական յարաբերութիւններու ընդլայնման վերաբերեալ հարցեր», ըսած է Ամերիկայի Հայ Դատի յանձնախումբի գործադիր տնօրէն Արամ Համբարեան:

Բանակցութիւններուն ընթացքին հայկական պատուիրակութիւնը պիտի գլխաւորէ Տնտեսական զարգացման եւ ներդրումներու նախարարի տեղակալ Յովհաննէս Ազիզեան:

Share.

Leave A Reply