«ՃԱՊՀԱԹ ԱԼ ՆՈՒՍՐԱ»Ի ԶԻՆԵԱԼ ԱՀԱԲԵԿՉԱԿԱՆ ԽՄԲԱՒՈՐՈՒՄՆԵՐԸ ԿԸ ՇԱՐՈՒՆԱԿԵՆ ՀՐԹԻՌԱԿՈԾԵԼ ԴԱՄԱՍԿՈՍՆ ՈՒ ՇՐՋԱԿԱՅՔԸ»

0

Կիրակի, 11 Մարտ 2018-ին, Դամասկոսի ոստիկանատան  մէկ աղբիւրը ՍԱՆԱ-ի հաղորդեց, որ «Ճապհաթ ալ Նուսրա»ի զինեալ ահաբեկչական խմբաւորումները հրթիռներ արձակեցին դէպի  Դամասկոսի Ճարամանա շրջանին մէջ գտնուող հանրակառքի մը վրայ, որուն հետեւանքով արձանագրուեցան 4 զոհ եւ 26 վիրաւոր:

Միւս կողմէն զինեալ ահաբեկչական խմբաւորումները շուրջ 9 հրթիռներ արձակեցին Հարասդայի Ալ Ասատ արուարձանին վրայ, արձանագրելով նիւթական բազմաթիւ վնասներ:

Նոյն աղբիւրին համաձայն, զինեալ ահաբեկչական խմբաւորումները 20 հրթիռ  արձակեցին Դամասկոսի Ապպասիին եւ Աարնուս հրապարակներուն, Պապ Թումա, Ասսաա, ալ Պզուրիէ, ալ Համիտիյյէ, ալ Շաղուր եւ Ռըքն ալ Տին շրջաններուն վրայ, արձանագրելով 5 վիրաւոր եւ նիւթական բազմաթիւ վնասներ:

ՍԱՆԱ-ի թղթակիցը յայտնեց, որ Արեւելեան Ղութային կարգ մը գիւղերուն մէջ գտնուող «Ճապհաթ ալ Նուսրա»ի զինեալ ահաբեկչական խմբաւորումները 18 հրթիռ  արձակեցին Դամասկոսի բնակելի շրջաններուն վրայ, արձանագրելով 1 զոհ եւ 4 վիրաւոր:

Share.

Leave A Reply