ՍՈՒՐԻԱԿԱՆ ԿԱՐՄԻՐ ՄԱՀԻԿԸ ԿՈՉ Կ՛ՈՒՂՂԷ ԱՖՐԻՆԻ ՔԱՂԱՔԱՑԻՆԵՐՈՒՆ ՄԱՐԴԱՍԻՐԱԿԱՆ ՕԺԱՆԴԱԿՈՒԹԵԱՆ ՀԱՍԱՆԵԼԻՈՒԹԻՒՆԸ ԵՐԱՇԽԱՒՈՐԵԼՈՒ

0

Սուրիական Կարմիր Մահիկ կազմակերպութիւնը հանդէս եկաւ յայտարարութեամբ մը, որուն մէջ կոչ ուղղեց 51 օրէ ի վեր թրքական ուժերուն եւ զինեալ ահաբեկչական խմբաւորումներուն կողմէ հրթիռակոծումներու ենթարկուած Աֆրինի քաղաքացիներուն մարդասիրական օժանդակութեան հասանելիութիւնը երաշխաւորելու։ Կազմակերպութիւնը դիտել տուաւ որ. «Սուրիական Կարմիր Մահիկը ՄԱԿ-ի հետ գործակցաբար կը ջանայ մարդասիրական օժանդակութեան շարասիւն մը մը Աֆրին եւ Թալ Ռըֆաաթ հասցնել՝ նկատի ունենալով այս երկու շրջաններէն յերս տիրող մարդկային տագնապը։ Մարտի սկիզբը Սուրիական Կարմիր Մահիկը Կարմիր Խաչ միջազգային կազմակերպութեան հետ գործակցաբար մարդասիրական օժանդակութիւններու յատուկ բեռնատար մը ղրկած էր Աֆրին»: Յիշենք, որ թրքական ուժերուն Աֆրինի ուղղութեամբ շարունակուող յարձակումներուն հետեւանքով, տասնեակ փուռեր, ենթակառոյցներ, դպրոցներ եւ ջրամատակարարման կեդրոններ քանդուեցան: Աւելի քան 1100 քաղաքացի զոհուեցաւ, վիրաւորուեցաւ եւ հազարաւորներ գաղթեցին աւելի ապահով շրջաններ:

Share.

Leave A Reply

This site uses Akismet to reduce spam. Learn how your comment data is processed.