ԵԱՀԿ  ԽՎ  ՆԱԽԱԳԱՀ. «ԼԵՌՆԱՅԻՆ ՂԱՐԱԲԱՂԻ  ՀԱԿԱՄԱՐՏՈՒԹԵԱՆ ԽԱՂԱՂ   ԼՈՒԾՈՒՄԸ  ԵԱՀԿ-Ի ԳԼԽԱՒՈՐ  ՆՊԱՏԱԿՆԵՐԷՆ Է»

0

«Թրենտ» կը յայտնէ, որ ԵԱՀԿ Խորհրդարանական Վեհաժողովի նախագահ Գէորգի Ծերեթելի Պաքուի մէջ յայտարարած է, որ Լեռնային Ղարաբաղի հակամարտութեան խաղաղ լուծումը ԵԱՀԿ-ի գլխաւոր նպատակներէն է:

Անոր խօսքով, ԵԱՀԿ  աշխուժութեամբ ներգրաւուած է տարածաշրջանի բոլոր հակամարտութիւններու լուծման գործին մէջ:

«Խորհրդարանական Վեհաժողովի եւ ԵԱՀԿ-ի համար ամենակարեւոր ու առաջնահերթ հարցերէն մէկը հակամարտութիւններու ոչ միայն լուծումն է, այլ նա’եւ անոնց խաղաղ ձեւով լուծման մասնակցութիւնն է: Մենք բացայայտ կը յայտարարենք, որ, ցաւոք, կան թերութիւններ շատ ուղղութիւններով, նախ եւ առաջ՝ դադրեցուած հակամարտութիւններու հետ կապուած: Ինչ կը վերաբերի Լեռնային Ղարաբաղի հակամարտութեան, ապա, անշուշտ, մենք կ’աջակցինք ԵԱՀԿ Մինսքի Խբակի համանախագահներու ջանքերուն»,- ըսած է Ծերեթելի:

Share.

Leave A Reply