ՓԱՅԼԱՆ ՔՆՆԱԴԱՏԱԾ Է ԷՐՏՈՂԱՆ ԳՈՐՇ ԳԱՅԼԵՐՈՒ ՆՇԱՆԸ ՑՈՅՑ ՏԱԼՈՒՆ ՀԱՄԱՐ

0

Թուրքիոյ ընդդիմադիր Ժողովուրդներու Ժողովրդավարական կուսակցութեան անդամ, թրքական խորհրդարանի անդամ Կարօ Փայլան քննադատած է երկրի նախագահ Ռեճէպ Թայիպ Էրտողան` Մերսին քաղաքին մէջ տեղի ունեցած հանրահաւաքին ազգայնական Գորշ Գայլեր խմբաւորումի խորհրդանիշը համարուող նշանը ցոյց տալուն համար:

«Մի՛ բարկանաք: Էրտողան այսօր ցոյց տուաւ այն, ինչ շատոնց յայտնի էր: Ուրկէ ուր հասած ենք…», գրած է ան «Թուիթըր»ի իր էջին վրայ:

Հայ երեսփոխանը նաեւ շեշտած է, որ իրենք շատոնց կը զգուշացնէին Էրտողանի եւ անոր կուսակցութեան` ազգայնական բնոյթ ունենալուն մասին:

Տուեալ հանրահաւաքին Էրտողան յայտարարած էր, որ թրքական զինեալ ուժերը որեւէ վայրկեան կրնան մուտք գործել Աֆրին քաղաք:

Շարք մը իրաւապաշտպաններ կ՛ահազանգեն Աֆրինի մէջ ակնկալուող լայնածիր կոտորածի մասին եւ կը կարծեն, որ ՄԱԿ-ը պէտք է անյապաղ միջոցներու ձեռնարկէ աֆրինեան ողբերգութիւնը կանխարգիլելու համար:

Share.

Leave A Reply