ՍՈՒՐԻԱԿԱՆ ԲԱՆԱԿԸ ԱՐԵՒԵԼԵԱՆ ՂՈՒԹԱՅԻ Ալ ՇԻՖՈՆԻԷ ՇՐՋԱՆԻՆ ՄԷՋ ՔԻՄԻԱԿԱՆ ԹՈՒՆԱՒՈՐ ՆԻՒԹԵՐ ԱՐՏԱԴՐՈՂ ԳՈՐԾԱՐԱՆ ՄԸ ՅԱՅՏՆԱԲԵՐԵՑ

0

Երեքշաբթի, 13 Մարտ 2018-ին, սուրիական բանակի Արեւելեան Ղութայի ռազմական գործողութիւններու հրամանատարներէն մէկը ՍԱՆԱ-ի թղթակիցին յայտնած է, որ Արեւելեան Ղութայի ալ Շիֆոնիէ շրջանի ականազերծման ընթացքին, սուրիական բանակը յայտնաբերած է զինեալ ահաբեկչական խմբաւորումներուն կողմէ հիմնուած քիմիական թունաւոր նիւթեր արտադրող գործարան մը, ուր կը գտնուէին սէուտական արաբիական սարքեր եւ արեւմտեան երկիրներու արտադրած ինքնապաշտպանութեան գործիքներ։

Հրամանատարը դիտել տուած է, որ գործարանը կը գտնուի Տումայի եւ ալ Շիֆոնիէ շրջաններուն միջեւ: Ան կը բաղկանայ երկու յարկէ եւ գետնայարկէ մը: Գործարանին մէջ թթուածինի եւ որոշ հեղուկներու խառնուրդ քիմիական նիւթերուն կողքին յայտնաբերուած է քլոր թունաւոր կազ:

Share.

Leave A Reply

This site uses Akismet to reduce spam. Learn how your comment data is processed.