ԲԱԿՕ ՍԱՀԱԿԵԱՆ ԲԱՐՁՐՕՐԷՆ ԳՆԱՀԱՏԱԾ Է ԱՄԵՐԻԿԱՅԻ ՀԱՅԿԱԿԱՆ ՀԱՄԱԳՈՒՄԱՐԻՆ ԴԵՐԸ ԱՐՑԱԽԻՆ ՍԱՏԱՐԵԼՈՒ ԾՐԱԳԻՐՆԵՐՈՒՆ ՄԷՋ

0

«Ապառաժ», Ստեփանակերտ.- Արցախի Հանրապետութեան Նախագահ Բակօ Սահակեան 16 Մարտին Ուաշինկթընի մէջ հանդիպում ունեցած է Ամերիկայի հայկական համագումարի ղեկավարութեան հետ՝ գործադիր տնօրէն Պրայըն Արտունի գլխաւորութեամբ:

Քննարկուած են Արցախ-Սփիւռք կապերուն, Արցախի, ինչպէս նաեւ ամերիկեան եւ միջազգային տարբեր հարթակներու տեղեկատուական ու քաղաքական ոլորտներուն մէջ շարք մը ծրագիրներու իրականացումին առնչուող հարցեր:

Նախագահ Սահակեան բարձրօրէն գնահատած է Ամերիկայի հայկական համագումարին դերը Արցախին սատարելու եւ համազգային տարբեր հարցերու լուծումին մասնակցելու իմաստով՝ երախտագիտութիւն յայտնելով կառոյցի ամբողջ անձնակազմին՝ հայրենասէր եւ արհեստավարժ իրենց ծառայութեան համար:

Share.

Leave A Reply

This site uses Akismet to reduce spam. Learn how your comment data is processed.