ԱԽԱԼՑԽԱՅԻ ՀՈԳԵՒՈՐ ՏՏԵՍՉՈՒԹԻՒՆԸ ԶԱՏԻԿԻ ԱՌԻԹՈՎ ԲԱՐԵԳՈՐԾԱԿԱՆ ՀԱՄԵՐԳ ԿԱԶՄԱԿԵՐՊԵՑ

0

Akhaltskha.net կը հաղորդէ, որ Ախալցխայի Հոգեւոր Տեսչութիւնը քաղաքի դրամատիկական թատրոնի շէնքին մէջ Ս․ Յարութեան տօնին առիթով կազմակերպեց բարեգործական համերգ։ Համերգին կը մասնակցէին «Ախալցխա» երգի ու պարի խումբը՝ Վերոնիքա Համբարեանի ղեկավարութեամբ, «Գոհանամք» երգի ու պարի խումբը Տիրուհի Համբարձումեանի ղեկավարութեամբ, Ախալցխայի հայկական դպրոցի ու ռուսական դպրոցի սաները, ինչպէս նաեւ բազմաթիւ անհատ կատարողներ։ Այս մասին կը հաղորդէ Համերգին ընթացքին հնչեցին հայրենասիրական, ժողովրդական, մանկական ու ժամանակակից ոճի երգեր։ Երգերէն բացի, իրենց գեղեցիկ պարերով հանդէս եկան ԱՀԵԿ կեդրոնի «Գոհանամք» խումբը եւ ԱՀՏ հովանաւորութեամբ ստեղծուած «Ախալցխա» խումբը։

Ախալցխայի հոգեւոր տեսուչ Հայր Յակոբ Աբեղայ Սահակեանի խօսքերով՝ այս բարեգործական համերգը իրենց տեսչութեան կողմէն կազմակերպուած առաջին բարեգործական համերգն է, իսկ յաջորդը կը նախատեսուի իրականացնել Վարդավառի տօնին։

Յիշեցնենք, որ ի տարբերութիւն «Գոհանամք» երգի պարի խումբին, որ կը գործէ արդէն 10 տարի, «Ախալցխա» պարախումբը ստեղծուած է բաւական վերջերս՝ Ախալցխայի Հոգեւոր Տեսուչ Հայր Յակոբ Աբեղայ Սահակեանի նախաձեռնութեամբ, որ կը հովանաւորուի եկեղեցւոյ բարերարներուն կողմէ։ Շուտով նախատեսուած է «Ախալցխա» խումբին մասնակցութիւնը Հայաստանի մէջ Ապրիլ 27-29 իրականացուելիք «Հրաշամանուկ» միջազգային փառատօնին։

Share.

Leave A Reply

This site uses Akismet to reduce spam. Learn how your comment data is processed.