ԳԱՄԻՇԼԻԻ ԿԻՐԱԿՆՕՐԵԱՅ ԴՊՐՈՑԻ ԱՇԱԿԵՐՏՆԵՐԸ ՀԱՒԿԹԱԽԱՂԻ ՄԱՍՆԱԿՑԵՑԱՆ

0
Հովանաւորութեամբ Ճեզիրէի Հայոց Առաջնորդական Փոխանորդ Հոգշ.Տ.Ռուբէն Աբղ.Նալպանտեանի, կազմակերպութեամբ կիրակնօրեայ վարժարանի ուսուցչական կազմին, Շաբաթ, 7 Ապրիլ 2018-ի յետմիջօրէի ժամը 4:00-ին, միջնակարգի շրջափակէն ներս Ս.Յարութեան տօնին առիթով հաւկթախաղ տեղի ունեցաւ, մասնակցութեամբ կիրակնօրեայ դպրոցի աշակերտներուն։
 
Հոգշ. հայր սուրբը բացման խօսքով բացատրեց հաւկիթ ներկելու աւանդութիւնը եւ անոր նշանակութիւնը քրիստոնէական կրօնքին մէջ, ապա երեխաները հրաւիրեց մասնակցելու պատրաստուած խաղերուն եւ անոնց մաղթեց ուրախ եւ զուարճալի ժամանց։
 
Փոքրիկները խանդավառելու համար հաւկթախաղին մասնակցեցան նաեւ հայր սուրբը եւ ուսուցչուհիները։
Այս առիթով, աշակերտները արտասանութիւններ եւ պարեր ալ ներկայացուցին՝ տօնական մթնոլորտին գեղարուեստական երանգ տալով։
Աւարտին, բոլորը մեկնեցան բարձր տրամադրութեամբ։
 
Բժշկհ. Մարի Մելքոն
Գամիշլի
Share.

Leave A Reply

This site uses Akismet to reduce spam. Learn how your comment data is processed.