ՌՈՒՍԻԱ ՎԵԹՕ ԿԻՐԱՐԵՑ ՏՈՒՄԱՅԻ ՄԷՋ ՔԻՄԻԱԿԱՆ ԶԷՆՔԵՐՈՒ ՕԳՏԱԳՈՐԾՄԱՆ ՇՈՒՐՋ ՀԵՏԱՔՆՆՈՒԹԵԱՆ ՅԱՏՈՒԿ ՅԱՆՁՆԱԽՈՒՄԲ ՅԱՌԱՋԱՑՆԵԼՈՒ ԱՄԵՐԻԿԵԱՆ ԲԱՆԱՁԵՒԻՆ ԴԷՄ

0

Երեքշաբթի, 10 Ապրիլ 2018-ին,ՄԱԿ-ի Անվտանգութեան Խորհուրդի նիստին, Ռուսիա Վեթօ կիրարեց ամերիկեան այն բանաձեւին դէմ, որուն համաձայն Սուրիոյ մէջ քիմիական զէնքերու օգտագործման շուրջ հետաքննութիւն կատարելու յատուկ մեքանիզմ մը պիտի ստեղծուէր:
Պոլիվիա եւս դէմ քուէարկեց այս բանաձեւին, իսկ Չինաստան ձեռնպահ մնաց:

Նախքան քուէարկութիւնը, ՄԱԿ-ի մօտ Ռուսիոյ մնայուն ներկայացուցիչ Ֆասիլի Նիպինզիա նկատել տուաւ, որ Մոսկուա կը մերժէ ամերիկեան բանաձեւը, որովհետեւ ան կը ներառէ նախապէս ներկայացուած միացեալ հետաքննութեան մեքանիզմներուն բոլոր թերութիւնները:

Նիպինզիա յայտնեց, որ ԱՄՆ կրկին կը փորձէ ճակատումի երթալ` ապատեղեկատուութիւն տարածելով միջազգային ընտանիքէն ներս: Ան Տումայի մէջ քիմիական զէնքերու օգտագործման շուրջ հետաքննութիւն կատարելու գծով այս բանաձեւը պատրաստած է առանց ՄԱԿ-ի Անվտանգութեան Խորհուրդի բոլոր անդամներուն հաւանութիւնը ստանալու:
Նիպինզիա աւելցուց, որ Տումայի մէջ քիմիական զէնքեր օգտագործուած չըլլալուն շուրջ փաստացի տուեալներ գոյութիւն ունին, սակայն ԱՄՆ չ՛ուզեր նկատի առնել զանոնք, որովհետեւ պատրուակ կը փնտռէ Սուրիոյ դէմ յարձակում գործելու համար:

Share.

Leave A Reply

This site uses Akismet to reduce spam. Learn how your comment data is processed.