ԺԱՄԵՐ ԵՏՔ ՍՈՒՐԻԱԿԱՆ ԲԱՆԱԿԸ ՊԻՏԻ ՅԱՅՏԱՐԱՐԷ ԱՐԵՒԵԼԵԱՆ ՂՈՒԹԱՅԻ, ՆԵՐԱՌԵԱԼ ՏՈՒՄԱՅԻ, ԱՄԲՈՂՋԱԿԱՆ ԱԶԱՏԱԳՐՈՒՄԸ

0

Այսօր պատմական օր էր Դամասկոսի համար։

«Ալ Մայատին» պատկերասփիւռի կայանին համաձայն, միջօրէի առաջին ժամերուն, սուրիական կառավարութեան կողմէ տասնեակ հանրակառքեր ուղղուեցան Տումա եւ «Ճէյշ ալ Իսլամ» զինեալ ահաբեկչական խմբաւորման գրեթէ բոլոր զինեալները դուրս բերին Տումայէն, զանոնք Ճարապլուս փոխադրելով։

Այսպիսով շուրջ 65.000-ի հասնող Տումայի զինեալները դուրս ելան շրջանէն։ Ոմանք մնացին՝ իրենց զէնքերը յանձնելով մաս կազմելու հաշտութեան ծրագիրին։

Ժամեր ետք, սուրիական բանակը պիտի յայտարարէ արեւելեան Ղութայի, ներառեալ Տումայի ամբողջական ազատագրումը։

Share.

Leave A Reply

This site uses Akismet to reduce spam. Learn how your comment data is processed.