ՄՈՍԿՈՒԱ. «ՍՈՒՐԻՈՅ ԴԷՄ ԵՌԱԿՈՂՄ ՅԱՐՁԱԿՈՒՄԸ ԹԻՐԱԽ ԸՆՏՐԵՑ ԳԵՐԻՇԽԱՆՈՒԹԻՒՆ ՎԱՅԵԼՈՂ ՊԵՏՈՒԹԻՒՆ ՄԸ»

0

Ռուսիոյ Արտաքին Գործոց Նախարարութեան մամլոյ խօսնակ Մարիա Զախարովա յայտնեց, որ ԱՄՆ-ի, Բրիտանիոյ եւ Ֆրանսայի եռակողմ յարձակումը թիրախ ընտրեց պետութիւն մը, որ տարիներէ ի վեր կը փորձէ վերադառնալ իր բնականոն կեանքին։

Զախարովա դիմատետրի իր էջին հետեւեալ գրառումը տեղադրեց. «Կասկածէ վեր է, որ դուք արդար չէք, որովհետեւ յարձակում կը գործէք Սուրիոյ մայրաքաղաքին վրայ այն ժամանակ, երբ այս երկիրը տագնապի քաղաքական լուծման եւ խաղաղ ապագայ կերտելու սեմին է։ Արեւմտեան լրատուամիջոցները Սուրիոյ դէմ իրագործուած յարձակումին ամբողջ պատասխանատուութիւնը կը կրեն։ Պատերազմին սկիզբը «արաբական գարուն» կոչեցեալը Սուրիոյ ժողովուրդին դիմադրութիւնը քննութեան ենթարկեց, ապա՝ ՏԱՀԵՇ-ը, իսկ հիմա՝ ամերիկեան հրթիռները»։

Իր կարգին, ԱՄՆ-ի ռուս դեսպան Անաթոլի Անթոնով, միջազգային ընտանիքը զգուշացուց Սուրիոյ դէմ իրագործուած այս յարձակումին հետեւանքներէն։

Անթոնով յայտնեց, որ ԱՄՆ քիմիական զէնքերու ամենամեծ պահեստը ունի, ուստի ոչ մէկ իրաւունք ունի այլ երկիրներու մեղադրանք ուղղելու։

Share.

Leave A Reply

This site uses Akismet to reduce spam. Learn how your comment data is processed.