ՄԱՐԶԱԿԱՆ ԱՊՐԻԼ Բ./2018

0

ՀԱՅԿԱԿԱՆ

Հայաստանի Հաւաքականի Գլխաւոր Մարզիչ Արթուր Պետրոսեանը Հրաժարեցաւ

6 Ապրիլին ՀՖՖ շտապ-բնակարանին մէջ տեղի ունեցաւ ՀՖՖ նախագահ Ռուբէն Հայրապետեանի եւ Հայաստանի Ազգային հաւաքականի գլխաւոր մարզիչ Արթուր Պետրոսեանի հանդիպումը, ուր քննարկուեցան Հայաստանի Ազգային Հաւաքականի մրցոյթները: Քննարկման արդիւնքով Արթուր Պետրոսեան ներկայացուց իր հրաժարականը, որ ընդունուեցաւ Ռուբէն Հայրապետեանի կողմէ: ՀՖՖ նախագահ Ռուբէն Հայրապետեան եւ հաւաքականի հրաժարեալ մարզիչ Պետրոսեան փոխադարձ շնորհակալութիւն յայտնեցին համատեղ աշխատանքի համար:

Հենրիկ Մխիթարեան Վիրաւորուեցաւ

Լոնտոնի Արսենալի եւ Հայաստանի Ազգային Հաւաքականի կիսապաշտպան Հենրիկ Մխիթարեան ծունկէն վնասուելով հաւանաբար չշարունակէ մրցաշրջանի մնացած մրցումները: Ըստ անգլիական Mirror-ին, 29-ամեայ ֆութպոլիստը հաւանաբար վեց շաբթուան տեւողութեամբ հեռու մնայ դաշտերէն: Յիշենք, որ Մխիթարեան վնասուեցաւ Մոսկուայի ԲԿՄԱ-ի դէմ Եւրոպայի լիկայի քառորդ եզրափակիչի առաջին խաղին՝ 61-րդ վայրկեանին: Արսենալի գլխաւոր մարզիչ Արսէն Վենկէր յայտարարեց, որ կիսապաշտպանի իրավիճակը ստոյգ կը դառնայ մանրակրկիտ հետազօտութիւններէ ետք:

Հայազգի խաղցող, Անգլիոյ ֆութպոլի ախոյեանութեան` «Փրեմիէր-լիկ»-ի 32-րդ հանգրուանի Սթոք Սիթիի դէմ տեղի ունեցած մրցումէն առաջ, ստացաւ Փետրուար ամսուան լաւագոյն ֆութպոլիստի մրցանակը: Ան թղթակիցներուն հետ հանդիպումի ընթացքին ըսաւ. «Շատ ուրախ եմ յաղթանակին եւ ամսուան լաւագոյն ֆութպոլիստի կոչումը ստանալուս համար: Շնորհակալ եմ բոլորէդ»:

ՄԻՋԱԶԳԱՅԻՆ

Ծանօթացում Ռուսիա 2018-ի Մասնակից Հաւաքականներու Պատմականին

«ԹԻՒ – 18»

Գերմանիա

Գերմանիոյ ֆութպոլի ֆետերասիոնի պատմութիւնը սկիզբ առաւ 1900 թուականին, որմէ չորս տարի ետք ան միացաւ Համաշխարհային Ֆութպոլի, իսկ 1954-ին՝ Եւրոպայի Ֆութպոլի Դաշնակցութեան: Համաշխարհային ֆութպոլի մրցաշարքի պատմութեան ընթացքին, ան եղաւ լաւագոյն հաւաքականներէն մէկը, որ մասնակցութիւն բերաւ բոլոր մրցումներուն, բացի 1930 եւ 1950 տարեշրջանի մրցումներէն: Չորս անգամ արժանացաւ աշխարհի ախոյեանութեան՝ 1954-1974-1990-2014: Եւրոպայի ախոյեանական մրցումներուն Գերմանիա եղաւ լաւագոյնը՝ արժանանալով երեք տիտղոսներու՝ 1972-1980-1996 տարեշրջաններուն: Միջազգային առաջին մրցումը ունեցաւ 1908-ին, որուն ընթացքին 5 – 3 արդիւնքով պարտութեան մատնուեցաւ Զուիցերիոյ կազմէն: Գերմանիոյ հաւաքականին հետ ամէնէն շատ խաղցող մարզիկը Լոթար Մաթէոսն է՝ 150 մրցում, իսկ ամէնէն շատ կոլ նշանակողը՝ Միրոլսաւ Քլոզէն՝ 71 կոլ: 2008-էն ի վեր հաւաքականի մարզիչի պաշտօնը վստահուած է Իւխիմլովին, որուն հետ հաւաքականը արձանագրեց տպաւորիչ արդիւնքներ: Հաւաքականի պաշտօնական տարազին գոյնը ճերմակն է, կուրծքի բաժինին վրայ  Գերմանիոյ դրօշակի գոյներն են, իսկ երկրորդական տարազին գոյնը սեւով կանաչ է:

Ռաֆֆի Սիւլահեան

Share.

Leave A Reply

This site uses Akismet to reduce spam. Learn how your comment data is processed.