ԵՐԵՒԱՆԻ ՔԱՂԱՔԱՊԵՏԱՐԱՆԸ ԿՈՉ Կ’ՈՒՂՂԷ ՑՈՒՑԱՐԱՐՆԵՐՈՒՆ

0

Վերջին օրերուն մայրաքաղաքին մէջ տեղի ունեցող հաւաքներու ընթացքին արձանագրուած են քաղաքային գոյքի, այդ շարքին նստարաններու եւ աղբամաններու կամայական տեղափոխումի ու ոչ նպատակային օգտագործումի, նաեւ ատոնք վնասելու պարագաներ:

Միեւնոյն ատեն բազմաթիւ դժգոհութիւններ եւ ահազանգեր ստացուած են մեր համաքաղաքացիներէն առ այն, որ հաւաքներու մասնակիցներու կողմէն անտեղի կերպով կը խոչընդոտուի հասարակական փոխադրամիջոցի բնականոն աշխատանքին ընթացքը:

Նկատի առնելով վերոնշեալը, հաւաքներու կազմակերպիչներուն ու մասնակիցներուն կոչ կ’ուղղենք զերծ մնալու քաղաքային գոյքը կամայական տեղաշարժելու, տեղափոխելու եւ ատոնք վնասելու քայլերէն, ինչպէս նաեւ հասարակական փոխադրամիջոցի բնականոն աշխատանքը խոչընդոտելէ:

Երեւանի Քաղաքապետարան

Share.

Leave A Reply