ԵՐԵՒԱՆԻ ՖՐԱՆՍԱՅԻ ՀՐԱՊԱՐԱԿԻՆ ՎՐԱՅ ԱՒԱՐՏԻՆ ՀԱՍԱՒ ՓԱՇԻՆԵԱՆԻ ԵՒ ԱՆՈՐ ԿՈՂՄՆԱԿԻՑՆԵՐՈՒՆ ՀԱՆՐԱՀԱՒԱՔԸ

0

Երեւանի Ֆրանսայի հրապարակին վրայ աւարտած է Ազգային Ժողովի պատգամաւոր Նիկոլ Փաշինեանի եւ անոր կողմնակիցներուն հանրահաւաքը, որուն ընթացքին Փաշինեան անդրադարձած է 13 Ապրիլին տեղի ունեցած գործողութիւններունն և իրենց հետագայ քայլերուն:

«17 Ապրիլին, ժամը 12:00-ին, կը նախատեսուի Ազգային ժողովի նիստ, ի՞նչ պիտի ընենք վաղը. «Փակէ փողոցը» շարժումը պէտք է իրականացնենք աւելի լայն մասշտաբներով եւ փակենք ԱԺ տանող բոլոր մուտքերը», ըսած է Փաշինեան:

Միաժամանակ, ան դիտել տուած է, որ շարժումը սկսած են իրականացնել արդէն այս գիշեր, հակառակ անոր կարծիքներուն, որ «գիշերը մարդիկ չեն մնայ, ակցիան թոյլ կ՚ըլլայ»:

«Կը կարծեմ, ան որ կ՚ուզէ, այսօրուընէ պէտք է սկսի այն՝ խաղաղ քաղաքացիական անհնազանդութեան գործողութիւններով, կարելի բոլոր միջոցներով», յայտնած է Փաշինեան: Ան կոչ ուղղեց իրականացնել ապակեդրոնացեալ գործողութիւններ:

Այնուհետև, Աժ պատգամաւորը անդրադարձած է Բաղրամեան պողոտայի վրայ, կէսօրին տեղի ունեցած դէպքին և յայտնած, որ երբ ատոր հետևանքով ինք ալ արնահոսում էր՝ ոստիկանապետի տեղակալ Հունան Պօղոսեանի յանձնարարութեամբ, ոստիկանական մեքենայով իրեն ուղեկցել են «Նաիրի» բժշկական կենտրոն, ուր ստացել է բուժօգնութիւն:

Share.

Leave A Reply