ԱՐՏԵՐԿՐԻ ԼԻԲԱՆԱՆԱՀԱՅԵՐ ԿԸ ՄԱՍՆԱԿՑԻՆ ԼԻԲԱՆԱՆԻ ԵՐԵՍՓՈԽԱՆԱԿԱՆ ԸՆՏՐՈՒԹԻՒՆՆԵՐՈՒՆ

0
«Ասպարէզ».- Պատմութեան մէջ առաջին անգամ ըլլալով արտերկրի իր քաղաքացիներուն քուէարկութեան իրաւունք ընծայած լիբանանեան պետութեան, յատկապէս Արտաքին Գործոց Նախարարութեան նախաձեռնութիւնը երէկ գործադրուեցաւ Միացեալ Նահանգներու, Քանատայի, Եւրոպայի, Ափրիկէի եւ Աւստրալիոյ մէջ:
 
Առ այդ, արտերկրի լիբանանահայեր, իրենց կարգին մասնակցեցան 2018-ի երեսփոխանական ընտրութիւններուն եւ քուէարկեցին իրենց գտնուած երկիրներուն մէջ, հակառակ անոր որ կային արձանագրուած մեծ թիւով քուէարկելու պատրաստակամութիւն յայտնողներ, որոնց նոր անցագիրները ցարդ չէին հասած իրենց, եւ այդ իսկ պատճառով չկրցան քուէարկել:
 
Քանատայի, Միացեալ Նահանգներու, Ֆրանսայի, Հայաստանի եւ այլ շրջաններու մէջ ՀՅԴ ընտրական կեդրոնները վերածուեցան փեթակներու, եւ արտերկրի լիբանանահայեր աշխոյժ ներկայութիւն ցուցաբերեցին թէ՛ ընտրական եւ թէ քուէարկութեան կեդրոններուն մէջ:
 
Անոնցմէ ստացուած տեսանիւթերուն մէջ երէց եւ կրտսեր սերունդներ կը հաստատէին, որ իրենց քուէն ի նպաստ Հայ Յեղափոխական Դաշնակցութեան է:
Share.

Leave A Reply

This site uses Akismet to reduce spam. Learn how your comment data is processed.