ԼԻԲԱՆԱՆԻ ԽՈՐՀՐԴԱՐԱՆԱԿԱՆ ԸՆՏՐՈՒԹԻՒՆՆԵՐՈՒՆ ՀՅԴ-Ի ԱՌԱՋԱԴՐԱԾ ՉՈՐՍ ԹԵԿՆԱԾՈՒՆԵՐԷՆ ԵՐԵՔԸ ԵՐԵՍՓՈԽԱՆ ԸՆՏՐՈՒԵՑԱՆ

0

«Ազդակ» կը տեղեկացնէ, որ 6 Մայիսին Լիբանանի մէջ տեղի ունեցած խորհրդարանական ընտրութիւններուն, Հայ Յեղափոխական Դաշնակցութիւն կուսակցութեան կողմէն առաջադրուած 4 հայ թեկնածուներէն երեքը երեսփոխան ընտրուած են:

Պատգամաւոր, ՀՅԴ Լիբանանի Կեդրոնական Կոմիտէի ներկայացուցիչ Յակոբ Բագրատունին վերընտրուած է, իսկ Ալեքսանտր Մաթոսեանն ու Յակոբ Թէրզեանը յաջողած են ստանալ խորհրդարան անցնելու համար բաւարար ձայներ։ Սերժ Չուխատարեան խորհրդարան չէ անցած։

Երեկոյեան ընտրութիւններու նախնական արդիւնքներուն հրապարակումէն ետք,  Յակոբ Բագրատունի շեշտած է, որ ՀՅԴ-ն գոհ է արդիւնքներէն։

Ընտրութիւնները, ընդհանուր առմամբ, ընթացած են խաղաղ մթնոլորտի մէջ՝ բացառութեամբ որոշ շրջաններու, ուր գրանցուած են անվտանգութեան հետ կապուած խախտումներ։

Նախքան քուէարկութեան աւարտը, քաղաքական որոշ ուժեր առաջարկած են երկու ժամով երկարաձգել քուէարկութիւնը, սակայն, կարելի չէ եղած։

Ըստ «Ազդակ»ի, ընտրական գործընթացի վրայ էապէս ազդած է ընտրակաշառքը կամ քաղաքական նպատակներով գումարներու բաժանումը։

Յիշենք, որ Լիբանանի խորհրդարանին մէջ առկայ 128 պատգամաւորական տեղի համար ընտրութիւններուն մասնակցած է 976 թեկնածու։

 

Share.

Leave A Reply