ՓՈՒԹԻՆ ՌՈՒՍԻՈՅ ՆԱԽԱԳԱՀ ՎԵՐԸՆՏՐՈՒԵՑԱՒ

0

Երկուշաբթի, 7 Մայիս 2018-ին, Քրեմլինի մէջ Վլատիմիր Փութին Ռուսիոյ 4-րդ շրջանի, վեց տարուան, նախագահ ընտրուեցաւ ու նախագահական իր երդումը կատարեց:

Փութին իր պատգամը տալով խոստացաւ ամէն ջանք ի գործ դնել միջազգային հարթակին վրայ Ռուսիոյ շահերը պաշտպանելու համար՝ աւելցնելով, որ իր պարտքն է Ռուսիոյ փառքը պահպանել, ապագան ուրուագծել եւ երկրին ուժն ու կարողականութիւնը ամրապնդել:

Փութին ըսաւ. «Երբ Ռուսիոյ նախագահութեան պաշտօնը  վերստանձնեցի, մեծ պատասխանատբւութիւն զգացի իւրաքանչիւր քաղաքացիի նկատմամբ… Մեր, ժողովուրդին եւ հզօր յաղթանակներու դափնեկիր Ռուսիոյ նկատմամբ… Ռուսիոյ պատմութեան, մեր նախնիներուն քաջութեան,  մեր ժողովուրդի միասնութեան եւ պատուաբեր կեցուածքներուն նկատմամբ»:

Փութին եզրափակելով ըսաւ, որ ներկայիս համաշխարհային անկիւնադարձային դէպքերը կը պահանջեն գոյացնել այնպիսի որոշումներ, որոնք Ռուսիոյ ապագան կրնան ուրուագծել: Փութին ներկայ ժամանակաշրջանը բնութագրեց, որպէս փոթորկալից փոփոխութիւններու դար, որ կը պահանջէ կեանքի զանազան ոլորտներուն մէջ մեծ քայլեր առնելու յանդգնութիւն ունենալ:

Share.

Leave A Reply