ԵՏՄ ՀԻՄՆԱՐԿԻ ՏՆՕՐԷՆ. «ՍՈՉԻԻ ՄԷՋ ՓԱՇԻՆԵԱՆ ՓՈՒԹԻՆԻՆ ՆՈՐ ԲԱՆ ՊԷՏՔ Է ԱՌԱՋԱՐԿԷ»

0

Սոչիի մէջ 14 Մայիսին տեղի պիտի ունենայ Եւրասիական Տնտեսական Միութեան անդամ երկիրներու առաջնորդներու գագաթնաժողովը, որուն պիտի մասնակցի նաեւ Հայաստանի նորընտիր վարչապետ Նիկոլ Փաշինեան: Չի բացառուիր անոր հանդիպումը Ռուսաստանի նախագահ Վլատիմիր Փութինի հետ: ԵՏՄ հիմնարկի տնօրէն Վլատիմիր Լեփիոխին «Ռուսարմինֆօ»ի հետ զրոյցի մը ընթացքին ըսած է, որ Սոչիի մէջ նախատեսուած գագաթնաժողովը Հայաստանի նորընտիր վարչապետի համար յարմար առիթ կ’ըլլայ, քանի որ այժմ անոր համար կարեւոր է ցոյց տալ, որ իր դաշինքին` իշխանութեան հասնիլը վտանգ չի ներկայացներ հայ-ռուսական յարաբերութիւններուն համար: «Այլ բան է, որ Փաշինեանէն պէտք է սպասել որոշակի պայմաններու յառաջմղում: Ի՞նչ պայմաններ ան կը ներկայացնէ ԵՏՄ-ին, կը տեսնենք: Ան իր յատուկ դիրքորոշումը ցոյց կու տայ», ըսած է Լեփիոխին:

Ռուս փորձագէտը նաեւ յայտնած է, որ եթէ Հայաստանի նոր վարչապետը իսկապէս հետաքրքրուած է Ռուսաստանի հետ յարաբերութիւններու զարգացումով, ապա պէտք է հանդէս գայ նորարարական առաջարկներով, զորս չունէր Սերժ Սարգսեան։

Share.

Leave A Reply

This site uses Akismet to reduce spam. Learn how your comment data is processed.