ՇՆՈՐՀԱՒՈՐԵԼՈՎ ՀԱՅԱՍՏԱՆԻ ՄԷՋ ԺՈՂՈՎՐԴԱԿԱՆ ՇԱՐԺՈՒՄԻ ՅԱՂԹԱՆԱԿԸ` ՏՈՂԱՆ ԵՒ ՓԱՅԼԱՆ. «ԿԱՐԳԸ ԹՈՒՐՔԻՈՅ Է»

0

Թուրքիոյ խորհրդարանի հայազգի երեսփոխաններ Կարօ Փայլան եւ Սելինա Տողան շնորհաւորած են համայն հայութիւնը` Հայաստանի մէջ ծաւալած ժողովրդական շարժումի յաղթանակին առիթով:

Ժողովուրդներու ժողովրդավարական կուսակցութեան անդամ Փայլան «Թուիթըր»ի իր պաշտօնական էջին վրայ Հայաստանի մէջ տեղի ունեցածը կոչած է «պայքար յանուն ժողովրդավարութեան» եւ յոյս յայտնած, որ Թուրքիա եւս կը հետեւի այդ օրինակին:

«Հայաստանի ժողովուրդը յաղթեց ժողովրդավարութեան պայքարին մէջ: Կը շնորհաւորեմ: Կարգը մերն է», գրած է Փայլան:

Հանրապետական ժողովուրդի կուսակցութեան անդամ Սելինա Տողան, իր կարգին, ընկերային ցանցի իր պաշտօնական էջին վրայ գրած է, որ Հայաստանի մէջ տեղի ունեցածը համաշխարհային ժողովրդավարութեան պատմութեան էջերուն վրայ իր ուրոյն տեղը գրաւելիք դէպք է:

«Հայաստանի մէջ տեղի կ՛ունենան զարգացումներ, որոնք համաշխարհային ժողովրդավարութեան պատմութեան էջերուն վրայ պիտի ընդգրկուին: Ժողովուրդի` փոփոխութիւններու եւ ժողովրդավարացման պահանջին ոչ մէկ ոյժ կրնայ դէմ դնել: Շնորհաւո՛ր ժողովուրդին եւ այս պահանջներուն առաջադրման մէջ ղեկավարի դեր ստանձնողներուն յաղթանակը», գրած է Տողան:

 

Share.

Leave A Reply