ՆԻԿՈԼ ՓԱՇԻՆԵԱՆ ԵՒ ՏԻԳՐԱՆ ՍԱՐԳՍԵԱՆ ՔՆՆԱՐԿԱԾ ԵՆ ԵՏՄ ՇՐՋԱՆԱԿԷՆ ՆԵՐՍ ՀԱՄԱԳՈՐԾԱԿՑՈՒԹԵԱՆ ԶԱՐԳԱՑՈՒՄԻ ՀԱՐՑԸ

0

Հայաստանի Հանրապետութեան կառավարութեան տեղեկատուութեան եւ հասարակութեան հետ կապերու վարչութիւնը կը տեղեկացնէ, որ Եւրասիական բարձրագոյն խորհուրդի նիստի ծիրէն ներս վարչապետ Նիկոլ Փաշինեան Սոչիի մէջ հանդիպում ունեցած է Եւրասիական Տնտեսական Յանձնաժողովի նախագահ Տիգրան Սարգսեանի հետ::

Հանդիպումի ընթացքին անդրադարձած է Եւրասիական Տնտեսական Միութեան յառաջիկայ գագաթնաժողովի օրակարգի հարցերուն: Զրուցակիցները քննարկած են ԵՏՄ շրջանակէն ներս համագործակցութեան հետագայ զարգացումին ու անդամ պետութիւններու միջեւ յարաբերութիւններու ընդլայնումին առնչուող այլ հարցերու:

Փաշինեան Սոչի մեկնած է՝ մասնակցելու Եւրասիական տնտեսական բարձրագոյն խորհուրդի հերթական նիստին: Աշխատանքային այցելութեան ընթացքին տեղի պիտի ունենայ Նիկոլ Փաշինեանի եւ Ռուսաստանի նախագահ Վլատիմիր Փութինի հանդիպումը: Նախատեսուած են հանրապետութեան վարչապետի այլ երկկողմանի հանդիպումներ, յատկապէս Պելլառուսիոյ նախագահ Ալեքսանտր Լուքաշենքոյի, Ղըրղզստանի նախագահ Սոորոնպէյ Ժինպեքովի հետ:

Share.

Leave A Reply