ԱՐԹՈՒՐ ԵՂԻԱԶԱՐԵԱՆ. «ՈՒՆԻՆՔ ՄՕՏԵՑՈՒՄՆԵՐ, ՍԿԶԲՈՒՆՔՆԵՐ ԵՒ ԱՆՈՆՑ ՎՐԱՅ ՀԻՄՆՈՒԵԼՈՎ ՔԱՏՐԵՐ ԿԸ ՆՇԱՆԱԿԵՆՔ»

0

ՀՅԴ Գերագոյն Մարմնի անդամ Արթուր Եղիազարեան՝ անդրադառնալով Դաշնակցական նախարարներու նշանակումին, լրագրողներու հետ զրոյցի մը ընթացքին ըսաւ, որ  ՀՅԴ-ն շատ քատրեր ունի, բայց ունի մօտեցումներ, սկզբունքներ եւ քատրեր կը նշանակէ` անոնց վրայ հիմնուելով:

Ան յայտնեց նաեւ, որ Արթուր Խաչատրեան որպէս մարզպետ լաւ աշխատանք տարաւ, իսկ Արծուիկ Մինասեան այժմ իր մասնագիտութեան համահունչ քաղաքական պաշտօն կը զբաղեցէ: «Մինասեան նաեւ լաւ տնօրէն եւ կազմակերպիչ է: Մենք հարցերուն արդիւնաւէտ լուծումներ գտնելու մասին կը մտածենք», ըսաւ Եղիազարեան:

Պատասխանելով այն հարցումին, թէ կրնա՞նք ըսել, որ ասիկա պատասխան էր Կարէն Կարապետեանին, որ տնտեսական պլոքէն դուրս պահեց Մինասեանը, Եղիազարեան ըսաւ, որ իրենք անձնաւորուած մօտեցումներով չեն առաջնորդուիր, բայց նաեւ ցոյց կու տան, որ ժամանակին ճիշդ նշանակում ըրած էին: «Այդ գործընթացը ինչ որ պատճառներով փոխուեցաւ, այսպէս ըսած` ի շրջանս իւր: Վստահ եմ, որ ներկայ դրութեամբ Մինասեան շատ աւելի ազատ դրսեւորուելու  եւ ոլորտը բարելաւելու  կարելիութիւն ունի», ըսաւ ան:

Իսկ պատասխանելով այն հարցումին, թէ Մինասեան նախապէս չունէ՞ր ազատ դրսեւորուելու կարելիութիւն՝ Եղիազարեան ըսաւ, որ որոշակի վերապահումներ

կային: «Վստահ եմ, որ հիմա աւելի արդիւնաւէտ կ’ըլլայ անոր գործունէութիւնը», շեշտեց ան:

Share.

Leave A Reply

This site uses Akismet to reduce spam. Learn how your comment data is processed.